ໃນທີ່ສຸດ ແຂວງໄຊສົມບູນກໍ່ສາມາດໄດ້ 1 ຫລຽນທອງມາຄອງໄດ້ຢ່າງສຳເລັດ ໃນງານແຂ່ງຂັນມະຫະກຳກິລານັກຮຽນມັດທະຍົມສຶກສາທົ່ວປະເທດຄັ້ງທີ VII ທີ່ແຂວງສາລະວັນ. ເຖິງເປັນຫລຽນທອງພຽງຫລຽນດຽວ ແຕ່ກໍ່ພາກພູມໃຈຂອງທັບນັກກິລາຈາກແຂວງ ເຊິ່ງຫລຽນທອງດັ່ງກ່າວ ແມ່ນໄດ້ມາຈາກກິລາ ໝາກເສິກລາຍການດ່ຽວຍິງ ໄດ້ຈາກ ນາງ ດອກບານ ຊາເຍີ ທີ່ລົງແຂ່ງຂັນໃນວັນທີ 18 ທັນວາ 20024 ຜ່ານມານີ້.
ການມາເຂົ້າຮ່ວມງານມະຫະກຳນັກຮຽນມັນທະຍົມສຶກສາທົ່ວປະເທດ VII ແຂວງໄຊສົມບູນໄດ້ສົ່ງ ນັກກິລາເຂົ້າຮ່ວມ ມີກິລາໝາກເສິກລາຍການດ່ຽວຍິງ-ຊາຍ, ກິລາກະຕໍ້ລາຍການດ່ຽວຊາຍ, ທີມຄູ່ຊາຍ, ກິລາເປຕັງລາຍການຄູ່ປະສົມຊາຍ 1, ຍິງ 1 ແລະ ຄູ່ປະສົມຊາຍ 2, ຍິງ 1, ກິລາແລ່ນ-ລານລາຍການ 1.500 ແມັດ ຊາຍ, ລາຍການ 10.000 ແມັດ ຊາຍ, ແລະ ລາຍການ 1.500 ແມັດ ຍິງ, ກິລາໜ້າເກັກລາຍການຄູ່ຍິງ ແລະ ດ່ຽວຍິງ ໄລຍະ 10 ແມັດ ແລະ 15 ແມັດ, ກິລາເປຕັງລາຍການທີມຊຸດຊາຍ ແລະ ກິລາແລ່ນ-ລານ 5.000 ແມັດ, ບານສົ່ງຊາຍ, ບານເຕະຊາຍ.
ຢ່າງໃດກໍ່ຕາມການແຂ່ງຂັນແຕ່ລະປະເພດ ນັກກິລາແຂວງໄຊສົມບູນລ້ວນແຕ່ເອົາໃຈໃສ່ສູ້ຊົນ ເພື່ອຍາດເອົາຫລຽນໃດ ຫລຽນໜຶ່ງກັບໄປຕ້ອນຊາວແຂວງໄຊສົມບູນກໍ່ຄືໂຮງຮຽນທີ່ຕົນສັງກັດ ແລະ ໃນທີ່ສຸດກໍ່ສາມາດຍາດໄດ້ 1 ຫລຽນທອງຈາກ ນາງ ດອກບານ ຊາເຍີ ກິລາປະເພດໝາກເສິກໃນວັນທີ 18 ເດືອນທັນວາ 2024 ນີ້, ໃຫ້ແກ່ທັບນັກກິລາ. ຂະນະທີ່ກິລາປະເພດອື່ນໆ ເຖິງວ່ານັກກິລາໄດ້ສູ້ຊົນຢ່າງສຸດແຮງສຸດໃຈ ແຕ່ບໍ່ສາມາດເຂົ້າເຖິງຮອບຊີງຫລຽນໃດໜຶ່ງໄດ້. ເຖິງວ່າ ການເຂົ້າຮ່ວມແຂ່ງຂັນບໍ່ສາມາດຍາດຫລຽນໃດໜຶ່ງກໍ່ຕາມ, ແຕ່ກໍ່ໄດ້ປະສົບ, ບົດຮຽນໄປພັດທະນາວົງການກິລາຂອງນ້ອງນັກຮຽນແຂວງໄຊສົມບູນ ເພື່ອກະກຽມເຂົ້າຮ່ວມແຂ່ງຂັນໃນມະຫະກຳກິລານັກຮຽນມັດທະຍົມສຶກສາທົ່ວປະເທດຄັ້ງທີ VIII ໃນປີ 2027 ທີ່ແຂວງເຊກອງຈະເປັນເຈົ້າພາບຖັດໄປ.
ໂດຍ:ຢ່າຕົ່ງ
