ສຳນັກຂ່າວ ຊິນຮວາຂອງສປຈີນ, ສຳນັກງານ ສະຖິຕິຂອງ ສິງປະໂປ ລາຍງານວ່າ: ສະຫະພາບ ເອີຣົບ (ອີຢູ) ກາຍເປັນຈຸດໝາຍຂະໜາດໃຫຍ່ທີ່ສຸດ ໃນການສົ່ງອອກການບໍລິການຂອງ ສິງກະໂປ ໃນປີ 2023 , ໂດຍລາຍໄດ້ ຈາກການສົ່ງອອກນີ້ເພີ່ມຂຶ້ນ 21,6% ເມື່ອທຽບໃສ່ປີຕໍ່ປີ ຢູ່ທີ 72,4 ຕື້ໂດລາສິງກະໂປ.
ຂະນະດຽວກັນ ສ.ອາເມລິກາ ເປັນແຫລ່ງນໍາເຂົ້າ ການບໍລິການຂະໜາດໃຫຍ່ທີ່ສຸດຂອງສິງກະໂປໃນປີ 2023 , ດ້ວຍມູນຄ່າ ທຸລະກຳລວມ105 ຕື້ໂດລາສິງກະໂປ, ເພີ່ມຂຶ້ນ 13,3% ຈາກປີ 2022.
ພາກສ່ວນຫລັກທີ່ຂັບເຄື່ອນການສົ່ງອອກ ການບໍລິການຂອງ ສິງກະໂປ ສູ່ສະຫະພາບເອີຣົບ ໄດ້ແກ່: ການຈັດການທຸລະກິດ, ການເງິນ ແລະ ການຂົນສົ່ງ, ຂະນະທີ່ ພາກສ່ວນຫລັກທີ່ນໍາເຂົ້າການບໍລິການ ຈາກສ.ອາເມລິກາໄດ້ແກ່ ການຈັດການທຸລະກິດ, ໂທລະຄົມມະນາຄົມ, ຄອມພີວເຕີ ແລະ ຂໍ້ມູນສື່ສານ ແລະການຂົນສົ່ງ.
ຢ່າງໃດກໍ່ຕາມ ການສົ່ງອອກການບໍລິການຂອງສິງກະໂປ ສູ່ສ.ອາເມລິກາ ທີ່ເຄີຍເປັນຈຸດໝາຍຂະໜາດໃຫຍ່ທີ່ສຸດໃນປີ 2022 ກັບຫລຸດລົງ 19% ໃນປີ 2023.
