ວິທະຍຸສາກົນ ແຫ່ງ ສປ ຈີນ, ວັນທີ 17 ພະຈິກນີ້ ງານວາງສະແດງການບິນ ແລະ ການບິນອະວະກາດສາກົນຈີນ ຄັ້ງທີ 15 ໄດ້ອັດລົງຢູ່ນະຄອນຈູ່ໄຫ ແຂວງກວາງຕຸ້ງ ຂອງ ສປ ຈີນ ດ້ວຍຜົນສຳເລັດຢ່າງຈົບງາມ ຫລັງຈາກດຳເນີນມາເປັນເວລາ 6 ວັນ ໂດຍມີວິສາຫະກິດ 1.022 ແຫ່ງຈາກ 47 ປະເທດ ແລະ ເຂດແຄ້ວນມາເຂົ້າຮ່ວມ. ມີເຮືອບິນ 261 ລຳ ແລະ ເຄື່ອງອຸປະກອນ ທາງໜ້າດິນ 248 ປະເພດເຂົ້າຮ່ວມວາງສະແດງ. ງານວາງສະແດງຄັ້ງນີ້ຍັງໄດ້ຈັດກິດຈະກຳຕ່າງໆ ເຊັ່ນ: ກອງປະຊຸມເວທີປຶກສາຫາລື, ພິທີເຊັນສັນຍາ ແລະ ການເຈລະຈາການຄ້າ ເປັນຕົ້ນລວມທັງໝົດ 247 ເທື່ອ, ໄດ້ເຊັນສັນຍາການຮ່ວມມືທີ່ມີມູນຄ່າປະມານ 285 ຕື້ກວ່າຢວນ ໄດ້ຕົກລົງການຊື້-ຂາຍເຮືອບິນປະເພດຕ່າງໆ 1.195 ລຳ ຊຶ່ງໄດ້ດຶງດູດຜູ້ຄົນເກືອບ 590.000 ຄົນ ເຂົ້າຊົມ ແລະ ນັກຂ່າວ 4.500 ກວ່າຄົນ ຈາກສື່ມວນຊົນ ຫລາຍກວ່າ 400 ແຫ່ງທັງພາຍໃນ ແລະ ຕ່າງປະເທດ ມາລາຍງານຂ່າວ ກ່ຽວກັບງານວາງສະແດງຄັ້ງນີ້.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
