++++++++++++++++++++++++++
ໃນລະຫວ່າງວັນທີ 28-29 ສິງຫາ 2024ນີ້;ທີ່ສະໂມສອນຫ້ອງການສຶກສາທິການແລະກິລາເມືອງອຸທຸມພອນ,ແຂວງສະຫວັນນະເຂດ;ໄດ້ຈັດກອງປະຊຸມຜັນຂະຫຍາຍແຜນພັດທະນາຂະແໜງການສຶກສາ ແລະ ກິລາ ປະຈໍາສົກຮຽນ2024-2025 ແລະ ເຊື່ອມສານວຽກງານໂຄງການສົ່ງເສີມເດັກນ້ອຍທຸກຄົນໄດ້ເຂົ້າຮຽນຊັ້ນປະຖົມສຶກສາ ໄລຍະທີ 3.ໂດຍການເປັນປະທານຮ່ວມຂອງທ່ານ ທອງໄສ ໄຊຍະວົງຄໍາດີ ເຈົ້າເມືອງອຸທຸມພອນ ແລະ ທ່ານ ປອ.ສຸກສົມພອນ ອະໂນໄທ ຫົວໜ້າພະແນກສຶກສາທິການ ແລະ ກິລາແຂວງ,ມີ ທ່ານ ທ່ານ ພຸດທະລັກ ພົນຊາວນາ ຮອງຜູ້ອໍານວຍການໂຄງການ(LEAPS III),ມີ ການນໍາຂັ້ນເມືອງ 7ເມືອງເປົ້າໝາຍ ແລະ ຕາງໜ້າຈາກສູນສົ່ງເສີມການສຶກສາຮຽນຮ່ວມ, ຕາງໜ້າ າຈາກກົມປະກັນຄຸນນະພາບການສຶກສາ ກະຊວງສຶກສາທິການແລະກິລາ ແລະ ບັນດາ ຫ້ອງການສຶກສາທິການແລະກິລາ ເມືອງ ອຸທຸມພອນ (ເປັນເຈົ້າພາບ),ເມືອງອາດສະພອນ, ພະລານໄຊ, ພີນ, ເຊໂປນ, ວິລະບູລີ ເເລະ ເມືອງນອງ,ພ້ອມບັນດາວິຊາການ ເຂົ້າຮ່ວມ.
ໃນກອງປະຊຸມທ່ານ ສອນວິໄລ ອຸພະມີໄຊ ຫົວໜ້າຫ້ອງການສຶກສາທິການ ແລະ ກິລາ ເມືອງ ອຸທຸມພອນ ໄດ້ຂື້ນຜ່ານບົດລາຍງານໂດຍສັງເຂບໃນການຈັດຕັ້ງປະຕິບັດວຽກງານອາຫານທ່ຽງພາຍໃນເມືອງອຸທຸມພອນ ເຊິ່ງເລີ່ມຈັດຕັ້ງປະຕິບັດແຕ່ປີ 2013 ເປັນຕົ້ນມາ. ຊຶ່ງເປັນໂຄງການຊ່ວຍເຫຼືອຂອງອົງການ CRS. ຮອດປີ 2022 ຈຶ່ງມີການມອບໂອນໃຫ້ລັດຖະບານເປັນຜູ້ຄຸ້ມຄອງ, ທົ່ວເມືອງ ອຸທຸມພອນມີໂຮງຮຽນທີ່ມີອາຫານທ່ຽງທັງໝົດ 46 ໂຮງຮຽນ, ໃນການຈັດຕັ້ງປະຕິບັດ ແມ່ນຕ້ອງມີການປະສານສົມທົບກັນລະຫວ່າງ ຫ້ອງການສຶກສາທິການ ແລະ ກິລາເມືອງ ແລະ ໂຮງຮຽນ ເປັນປົກກະຕິ. ຈຸດປະສົງກໍ່ເພື່ອ ເປັນການ ທົບທວນແຜນງານຂອງບັນດາເມືອງ ເປົ້າໝາຍວຽກອາຫານທ່ຽງ ປະຈໍາສົກຮຽນ 2024-2025 ໃຫ້ມີຄວາມສອດຄ່ອງກັບຄວາມຮຽກຮ້ອງຕ້ອງການຕົວຈິງ ແລະ ບໍ່ທັບຊ້ອນກັບແຜນວຽກອາຫານທ່ຽງ ທີ່ຮ່ວມຈັດຕັ້ງປະຕິບັດກັບບັນດາໂຄງການ, ການຈັດລຽງບຸລິມະສິດໃນແຜນການຈັດຕັ້ງປະຕິບັດຂອງບັນດາ ຄູ່ຮ່ວມງານສົ່ງເສີມອາຫານທ່ຽງໃນໂຮງຮຽນ,ເພີ່ມຄວາມເຂົ້າໃຈ ກ່ຽວກັບກິດຈະກໍາຂອງໂຄງການ ທີ່ຢູ່ ພາຍໃຕ້ການສະໜັບສະໜູນຂອງ ກະຊວງກະສິກໍາ ສະຫະລັດອາເມລິກາ ແລະ ການມີສ່ວນຮ່ວມ ຂອງຝ່າຍລັດຖະບານໃນການຈັດຕັ້ງປະຕິບັດກິດຈະກໍາ.ນອກນັ້ນບັນດາຫ້ອງການສຶກສາທິການແລະກິລາເມືອງໄດ້ຂື້ນຜັດປ່ຽນກັນນໍາສະເໜີລາຍງານສະພາບການຈັດຕັ້ງປະຕິບັດການກຽມຄວາມພ້ອມຫຼັງມອບໂອນໂຄງການໃຫ້ລັດຖະບານ ແລະ ແຜນການລົງຊຸກຍູ້ຕິດຕາມກິດຈະກໍາອາຫານທ່ຽງ 2024 – 2025. ຕ້ອນທ້າຍ ທ່ານ ປອ. ສຸກສົມພອນ ອະໂນໄທ ຫົວໜ້າພະແນກ ສຶກສາທິການ ແລະ ກິລາແຂວງສະຫວັນນະເຂດໄດ້ກ່າວເນັ້ນໜັກໃຫ້ບັນດາທ່ານ ຫ້ອງການສຶກສາທິການແລະກິລາເມືອ7ເມືອງເປົ້າໝາຍທຸກທ່ານຈົ່ງເຊື່ອມສານວຽກງານໂຄງການສົ່ງເສີມເດັກນ້ອຍທຸກຄົນໄດ້ເຂົ້າຮຽນຊັ້ນປະຖົມສຶກສາ ໄລຍະທີ 3ໃຫ້ຫລາຍຂື້ນກ່ວາເກົ່າ.
