ເພື່ອເປັນການສ້າງຂະບວນການສະເຫຼີມ ສະຫຼອງວັນສື່ມວນຊົນ ແລະ ການພິມຈຳໜ່າຍ ຄົບຮອບ 74 ປີ (13 ສິງຫາ 1950-13 ສິງຫາ 2024) ໃຫ້ມີບັນຍາກາດຟົດຟື້ນມ່ວນຊື່ນ. ດັ່ງນັ້ນ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຈຶ່ງໄດ້ຈັດກິດຈະກຳການແຂ່ງຂັນກິລາບານເຕະມິດຕະພາບລະຫວ່າງສື່ມວນຊົນພົບກັບພະນັກງານບໍລິສັດເບຍລາວ ຈໍາກັດ ຂຶ້ນໃນວັນທີ 9 ສິງ ຫາຜ່ານມາ ທີ່ເດີ່ນບານຫຍ້າທຽມວິກຕໍຣີ ບ້ານທ່າພະລານໄຊ ເມືອງສີສັດຕະນາກ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງ (ຖວທ) ແລະ ທ່ານ ສິດທິໄຊ ເກດຕະວົງ ຜູ້ອຳນວຍ ການຝ່າຍກິດຈະກຳເພື່ອສັງຄົມ ແລະ ບໍລິຫານບໍລິສັດ ເບຍລາວ ຈຳກັດ, ມີທ່ານປະທານສະມາຄົມນັກຂ່າວແຫ່ງ ສປປ ລາວ ພ້ອມດ້ວຍການນຳສື່ມວນຊົນຈາກທຸກຂະແໜງການ ແລະ ນັກກິລາເຂົ້າຮ່ວມ.
ການຈັດກິດຈະກຳຄັ້ງນີ້ ເພື່ອເປັນການສ້າງຂະບວນການຕ້ອນຮັບການສະເຫຼີມສະຫຼອງວັນສື່ມວນຊົນ ແລະ ການພິມຈໍາໜ່າຍຄົບຮອບ 74 ປີ ຍັງເປັນການຮັດແໜ້ນຄວາມສາມັກຄີພົບປະແລກປ່ຽນບົດຮຽນຊຶ່ງກັນ ແລະ ກັນ ຊຸກຍູ້ ສົ່ງເສີມການອອກກຳ ລັງກາຍຫຼິ້ນກິລາເພື່ອສຸຂະພາບ ແລະ ມິດຕະ ພາບລະຫວ່າງພະນັກ ງານສື່ມວນຊົນ ກັບ ພະນັກງານບໍລິສັດເບຍລາວ ທີ່ໄດ້ໃຫ້ການສະໜັບສະໜູນວຽກງານສື່ມວນຊົນຕະຫຼອດໄລຍະຜ່າມມາໃຫ້ແໜ້ນແຟ້ນຍິ່ງໆຂຶ້ນ. ຊຶ່ງການແຂ່ງຂັນໄດ້ດຳ ເນີນໄປດ້ວຍບັນຍາ ກາດຟົດຟື້ນມ່ວນຊື່ນ ເຕັມໄປດ້ວຍໄມຕີຈິດມິດຕະພາບ ແລະ ຄວາມສາມັກຄີຮັກ ແພງຊຶ່ງກັນ ແລະ ກັນ.
