ບໍລິເວນຄວາມກົດດັນອາກາດຕໍ່າໄດ້ແຜ່ລົງມາປົກຄຸມຢູ່ທົໍ່ວທຸກພາກຂອງປະເທດລາວ ດ້ວຍກໍາລັງອ່ອນ, ສົມທົບກັບລົມມໍລະສຸມຕາເວັນຕົກ ສ່ຽງໃຕ້ພັດປົກຄຸມ. ຊຶ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມ ໃນລະດັບຄ່ອຍທົໍ່ວໄປໃນແຕ່ລະພາກ ແລະ ຈະມີຝົນຕົກປານກາງ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ.
ລາຍງານລະດັບແມ່ນໍ້າສາຂາ ໃນເວລາ 07 ໂມງເຊົ້າທີ່ສະຖານີ ນໍ້າຊໍອງ ລະດັບນໍ້າ ແທກໄດ້ 3.82 ແມັດ (ລະດັບນໍ້າເຂດເຕືອນໄພ 3.50 ແມັດ; ເຂດອັນຕະລາຍ 4.50 ແມັດ), ສະຖານີ ເຊບັ້ງໄຟ ແທກໄດ້ 18.98 ແມັດ (ລະດັບນໍ້າເຂດເຕືອນໄພ 17.50 ແມັດ; ເຂດອັນຕະລາຍ 18.50 ແມັດ) ແລະ ສະຖານີ ຕົ້ນແຫນ ລະດັບນໍ້າແມ່ນ 12.62 ແມັດ (ເຂດເຕືອນໄພ 12.00 ແມັດ; ເຂດອັນຕະລາຍ 13.00 ແມັດ). ເນື່ອງຈາກວ່າໃນໄລຍະ 2 ຫາ 3 ມື້ຕໍໍ່ໜ້າຈະມີຝົນໜ້ອຍ, ຊຶ່ງຈະເຮັດໃຫ້ລະດັບແມ່ນໍ້າຈະສືບຕໍຫລຸດລົງ. ສໍາລັບລະດັບແມ່ນໍ້າບາງສາຂາຍັງຢູ່ໃນເຂດລະດັບເຕືອນໄພ ແລະ ເຂດອັນຕະລາຍ ໂດຍສະເພາະ ປະຊາຊົນທີ່ອາໃສຢູ່ລຽບຕາມນໍ້າຊອງ, ເຊບັ້ງໄຟ, ຈົໍ່ງມີສະຕິລະມັດລະວັງ ແລະ ກຽມພ້ອມຮັບມືຕໍໍ່ສະພາບນໍ້າຖ້ວມ ທີ່ອາດຈະເກີດຂຶ້ນ ພ້ອມທັງກະກຽມຍົກຍ້າຍວັດຖຸສິ່ງຂອງທີ່ມີຄໍ່າ ແລະ ສັດລ້ຽງໄປໄວ້ບ່ອນທີ່ປອດໄພ. ຂໍໃຫ້ຕິດຕາມຂ່າວພະຍາກອນອາກາດ ແລະ ລະດັບນໍ້າ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍໍ່ເນື່ອງ.
