ຂ່າວສານຊີອາໄອ ລາຍງານໃນວັນທີ 2 ສິງຫາ ນີ້ວ່າ: ແຫຼ່ງຂ່າວຈາກ ກຸ່ມບໍລິສັດນານນິງທາງລົດໄຟຈີນ ຈຳກັດ ໃຫ້ຮູ້ວ່າ: ນັບມາຮອດວັນທີ 2 ສິງຫານີ້, ຂະບວນລົດໄຟຕາມຊ່ອງທາງໃໝ່ທາງບົກ ແລະ ທາງທະເລພາກຕາເວັນຕົກຂອງຈີນໄດ້ຂົນສົ່ງສິນຄ້າຫຼາຍກວ່າ 5 ແສນຕູ້ຄອນເທນເນີມາດຕະຖານ ຊຶ່ງເປັນລະດັບສູງສຸດເມື່ອທຽບໃສ່ໄລຍະດຽວກັນຂອງທຸກປີທີ່ຜ່ານມາ.
ໃນໄລຍະ 5 ປີຜ່ານມາ, ຂະບວນລົດໄຟຕາມຊ່ອງທາງໃໝ່ທາງບົກ ແລະ ທາງທະເລພາກຕາເວັນຕົກຂອງຈີນ ໄດ້ຂົນສົ່ງສິນຄ້າລວມທັງໝົດຫຼາຍກວ່າ 3,1 ລ້ານຕູ້ຄອນເທນເນີມາດຕະຖານ ຊຶ່ງໄດ້ກາຍເປັນຊ່ອງທາງຈໍລະຈອນສິນຄ້າທີ່ໝັ້ນຄົງ ທີ່ແລ່ນຜ່ານພາກຕາເວັນຕົກສ່ຽງໃຕ້ຂອງຈີນ ພ້ອມທັງກາຍ ເປັນສິ່ງຄ້ຳປະກັນທີ່ແຂງແຮງໃຫ້ແກ່ການຊຸກຍູ້ການພັດທະນາເສດຖະກິດ – ສັງຄົມຂອງພາກຕາເວັນຕົກ, ຮັບໃຊ້ການເປີດປະຕູສູ່ພາຍນອກທີ່ມີລະດັບສູງ ແລະ ສ້າງສະພາບການພັດທະນາໃໝ່ຂອງຈີນ.
