ນະຄອນຫຼວງວຽງຈັນ ວັນທີ 24 ກໍລະກົດ 2024 VietJet ແລະ Airbus ໄດ້ລົງ ນາມຢ່າງເປັນທາງການໃນສັນ ຍາຊື້ເຮືອບິນ A330neo (A330-900) ຮຸ່ນໃໝ່ 20 ລໍາ ລວມມູນຄ່າ 7,4 ຕື້ໂດລາສະຫະ ລັດ ຕາມລາຄາຂອງລາຍຊື່ຜູ້ຜະລິດ ຢູ່ທີ່ງານວາງສະແດງການບິນສາກົນ Farnborough ໃນສະຫະລາຊະອານາຈັກ ໂດຍພິທີລົງນາມສັນຍາດັ່ງກ່າວມີທ່ານ Nguyen Thi Phuong Thao ປະທານບໍລິສັດ ສາຍການບິນ VietJet ແລະ ທ່ານ Christian Scherer ຄະນະບໍລິຫານສູງສຸດຂອງບໍລິສັດ Airbus Commercial Aircraft.
ການລົງນາມສັນຍາຄັ້ງນີ້ ສະແດງໃຫ້ເຫັນການເປັນໜຶ່ງໃນຂໍ້ສະເໜີທີ່ໃຫຍ່ທີ່ສຸດໃນງານ Airshow ປີນີ້ ເຮືອບິນທີ່ສັ່ງມາໃໝ່ນີ້ ຈະຖືກນຳໃຊ້ເພື່ອບໍລິ ການການບິນໄລຍະການເດີນ ທາງໄກທີ່ເພີ່ມຂຶ້ນຂອງ VietJet ພ້ອມກັບເສັ້ນທາງທີ່ມີຄວາມຕ້ອງການສູງໃນພາກພື້ນ ເຊິ່ງ VietJet ຈະເອົາມາທົດແທນເຮືອບິນ A330-300 ເປັນເຮຶອບິນປັດຈຸບັນຂອງ VietJet ແລະ ສະໜັບສະໜູນແຜນຍຸດທະສາດຂອງສາຍການບິນໃນການຂະຫຍາຍເຄືອຂ່າຍຖ້ຽວບິນຂ້າມທະວີບ.
ທ່ານ Nguyen Thi Phuong Thao ກ່າວວ່າ: ເຮືອບິນ A330neo ຮຸ່ນໃໝ່ ສາ ມາດເພີ່ມທະວີການພັດທະນາການບິນຂອງ VietJet ພ້ອມທັງຊຸກຍູ້ຄວາມສາມາດການດຳເນີນງານຂອງສາຍການບິນ ເພື່ອຊ່ວຍໃນການຂະຫຍາຍຕົວທົ່ວໂລກ ການເປີດໂຕເຮືອບິນ A330neo ທີ່ທັນສະໄໝ ແລະ ປະຢັດນ້ຳມັນໃນບັນດາເຮືອບິນຂອງ VietJet ແມ່ນສ່ວນໜຶ່ງຂອງຍຸດທະສາດການພັດທະນາແບບຍືນຍົງ ແລະ ເປັນເປົ້າ ໝາຍ ESG ຂອງພວກເຮົາ ໂດຍມີເປົ້າໝາຍປ່ອຍມົນລະພິດໃຫ້ເປັນສູນ (Net-Zero) ໃນປີ 2050 ຜູ້ໂດຍສານຈະໄດ້ຮັບຄວາມສະດວກສະບາຍໃນຖ້ຽວບິນການເດີນທາງໄກທີ່ປອດໄພ ແລະ ທັນສະໄໝກວ່າ ເຮືອບິນ Airbus ຈະຊ່ວຍໃຫ້ VietJet ມອບໂອກາດໃນການບິນທີ່ຄຸ້ມຄ່າໃຫ້ຜູ້ໂດຍສານກວ່າ 200 ລ້ານຄົນ ໃນນີ້ລວມມີຜູ້ທີ່ເດີນ ທາງຄັ້ງທຳອິດ ມີການເຊື່ອມໂຍງຕໍ່ປະຊາຊົນ ປະເທດຊາດ ທະວີບ ສົ່ງເສີມການພັດທະນາເສດຖະກິດ ແລະ ການແລກ ປ່ຽນວັດທະນະທຳ.
ທ່ານ Benoît de Saint-Exupéry ຮອງປະທານຜູ້ບໍລິຫານຝ່າຍຂາຍ Airbus Commercial Aircraft ກ່າວວ່າ: ພວກເຮົາມີຄວາມຍິນດີທີ່ຈະສໍາເລັດຄໍາສັ່ງຊື້ທີ່ສໍາຄັນນີ້ໃຫ້ສາຍການບິນທີ່ເຕີບໂຕໄວທີ່ສຸດໃນອາຊີ ນີ້ແມ່ນຄະແນນສຽງອີກອັນໜຶ່ງຂອງຄວາມໝັ້ນໃຈຕໍ່ຜະລິດຕະພັນ Airbus widebody ລຸ້ນຫຼ້າສຸດ ມັນສະແດງໃຫ້ເຫັນຄວາມຫຼວງ ຫຼາຍຂອງ A330neo ສໍາລັບທຸກປະເພດຂອງຮູບແບບທຸລະ ກິດ ແລະ ເຄືອຂ່າຍຈາກເສັ້ນ ທາງພາຍໃນ ໄປເຖິງພາກພື້ນ ສູ່ເສັ້ນທາງໄລຍະໄກ ຫ້ອງໂດຍ ສານ Airspace ທີ່ໄດ້ຮັບລາງ ວັນ ຍັງຊ່ວຍໃຫ້ VietJet ສາ ມາດສະໜອງປະສົບການການບິນທີ່ດີທີ່ສຸດໃຫ້ຜູ້ໂດຍສານ ໂດຍສາມາດປັບຕົວເຂົ້າກັບແຕ່ ລະຮູບແບບທຸລະກິດໄດ້ຢ່າງສົມບູນ ສິ່ງນີ້ຈະເປັນເວທີທີ່ສົມ ບູນແບບ ສຳລັບ VietJet Air ກັບຜູ້ໂດຍສານທີ່ຫຼາຍກວ່າເກົ່າ ໃນໄລຍະທາງທີ່ໄກຂຶ້ນ ແລະ ລາ ຄາທີ່ປະຢັດ ໃນຂະນະດຽວກັນ ຍັງຫຼຸດຜ່ອນການຊົມໃຊ້ນ້ຳມັນເຊື້ອໄຟ ແລະ ການປ່ອຍມົນລະພິດກາກບອນອີກດ້ວຍ.
A330neo ມີຫ້ອງໂດຍສານ Airspace ທີ່ໄດ້ຮັບລາງວັນ ທີ່ສ້າງມາດຕະຖານໃໝ່ໃນຄວາມສະດວກສະບາຍ ພື້ນ ທີ່ກວ້າງຂວາງ ແລະ ການອອກແບບ ພ້ອມຍັງໃຫ້ຜູ້ໂດຍສານມີປະສົບການການບິນທີ່ເປັນເອ ກະລັກບໍ່ຄືໃຜ ເຊີ່ງລວມມີລະ ບົບໄຟສາຍໃໝ່ ບ່ອນເກັບກະ ເປົາເດີນທາງທີ່ໃຫຍ່ຂຶ້ນ ແລະ ການເຂົ້າເຖິງລະບົບການບັນ ເທີງ ແລະ ການເຊື່ອມຕໍ່ຫຼ້າສຸດໃນການບິນ ເຮືອບິນທີ່ຂັບເຄື່ອນດ້ວຍເຄື່ອງຈັກ Rolls-Royce Trent 7000 ຮຸ່ນຫຼ້າສຸດ ເຮັດໃຫ້ A330-900 ສາມາດບິນໄດ້ 7,200 nm/ 13.300 ກິໂລແມັດ ແບບບໍ່ຢຸດ.
ດ້ວຍເຮືອບິນ 105 ລໍາ ແລະ ປະລິມານຜູ້ໂດຍສານທີ່ເພີ່ມຂຶ້ນຢ່າງຕໍ່ເນື່ອງ VietJet ກຳລັງຕັ້ງໜ້າຂະຫຍາຍການບິນທິ່ຂ້າມທະວີບ ພັດທະນາເຮືອ ບິນໃໝ່ ແລະ ທັນສະໄໝ ໂດຍຮ່ວມມືກັບຄູ່ຮ່ວມທີ່ມີຍຸດທະ ສາດລະດັບໂລກ ເຊັ່ນ: Airbus
ໃນໄວໆນີ້ ບໍລິສັດ VietJet ໄດ້ປະກາດບົດບັນທຶກຄວາມເຂົ້າໃຈ (MOU) ກັບກະຊວງໂຍທາທິການ ແລະ ຂົນສົ່ງ ສປປ ລາວ ເພື່ອດຳເນີນຂະຫຍາຍຫຼາຍໂຄງ ການກ່ຽວກັບການບິນ ໃນນີ້ມີການສ້າງຕັ້ງສູນສ້ອມແປງບຳລຸງຮັກສາ (MRO) ໃນປະເທດລາວ ໂຄງການເຫຼົ່ານີ້ ຄາດວ່າຈະສ້າງວຽກເຮັດງານທຳໃໝ່ ໄດ້ 2.500 ຄົນ ໃນຂະແໜງການບິນຂອງປະເທດໃນອະນາຄົດ.
ສຳລັບນັກເດີນທາງຈາກປະເທດລາວ VietJet ໄດ້ເປີດເສັ້ນທາງໃໝ່ໃນຕົ້ນປີນີ້ ໂດຍເຊື່ອມຕໍ່ນະຄອນຫຼວງວຽງຈັນຫາ ນະຄອນໂຮ່ຈີມິງ ເຊິ່ງເປັນນະຄອນໃຫຍ່ທີ່ສຸດຂອງປະ ເທດຫວຽດນາມ ໂດຍມີຖ້ຽວບິນໄປ-ກັບ 4 ຖ້ຽວຕໍ່ອາທິດ ໃນວັນຈັນ ພຸດ ສຸກ ແລະ ວັນອາ ທິດ ຖ້ຽວບິນໃຊ້ເວລາເດີນທາງພຽງ 1 ຊົ່ວໂມງ 45 ນາທີ ຈາກຈຸດເຊື່ອມຕໍ່ໃນປະເທດຫວຽດ ນາມ ນັກທ່ອງທ່ຽວຊາວລາວ ສາມາດເດີນທາງໄປເຖິງສະ ຖານທີ່ທ່ອງທ່ຽວອື່ນໆໃນອາຊີຕາເວັນອອກສຽງໃຕ້ ແລະ ຕາ ເວັນອອກສຽງເໜືອ ເຊັ່ນ: ອົດສະຕຣາລີ ອິນເດຍ ແລະ ອື່ຶນໆ ຜ່ານເຄືອຂ່າຍການບິນຂອງ VietJet
