ງານວາງສະແດງສິນຄ້າ ຈີນ-ອາຊີໃຕ້ ຄັ້ງທີ 8 ໄດ້ໄຂຂຶ້ນຢູ່ນະຄອນຄຸນໝິງ ແຂວງຢຸນນານ ຂອງ ສປ ຈີນ ໃນວັນທີ 23 ກໍລະກົດນີ້ ໂດຍການເຂົ້າຮ່ວມ ຂອງທ່ານ ສຈ ປອ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ ແຫ່ງ ສປປ ລາວ ງານວາງສະແດງສິນຄ້າຄັ້ງນີ້ລວມມີ 82 ປະເທດເຂດແຄວ້ນ ແລະ ອົງການຈັດຕັ້ງສາກົນເຂົ້າຮ່ວມ, ມີບໍລິສັດ 2.000 ກວ່າແຫ່ງ ເຂົ້າຮ່ວມວາງສະແດງ, ໃນນັ້ນເກືອບເຄິ່ງໜຶ່ງເປັນບໍລິສັດຕ່າງປະເທດທີ່ກວມເອົາປະເທດທັງໝົດຢູ່ອາຊີໃຕ້ ແລະ ອາຊີ ຕາເວັນອອກສຽງໃຕ້ (ອາຊຽນ).
ງານວາງສະແດງສິນຄ້າຈີນ-ອາຊີໃຕ້ຄັ້ງນີ້ ຈັດຂຶ້ນພາຍໃຕ້ຫົວຂໍ້ “ສາມັກຄີ ແລະ ປະສານງານ, ຮ່ວມກັນສະແຫວງຫາການພັດທະນາ” ໄດ້ວາງສະແດງອຸດສາຫະກໍາທີ່ມີຄວາມສາມາດບົ່ມຊ້ອມອ່າວຫລາຍໃນການຮ່ວມມືດ້ານເສດຖະກິດ-ການຄ້າ ລະຫວ່າງ ສປ ຈີນ ແລະ ປະເທດຢູ່ອາຊີໃຕ້ຢ່າງຮອບດ້ານເຊັ່ນ: ພະລັງງານສີຂຽວ, ກະສິກໍາທັນສະໄໝ, ການປິ່ນປົວ ແລະ ຮັກສາສຸຂະພາບ, ການທ່ອງທ່ຽວດ້ານວັດທະນະທໍາເປັນຕົ້ນ. ງານວາງສະແດງສິນຄ້າຈີນ-ອາຊີໃຕ້ ໄດ້ຈັດຂຶ້ນຢ່າງສໍາເລັດຜົນມາ 7 ຄັ້ງແລ້ວ.
