ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ຊາອຸດິດ ອາຣັບບີ ປະກາດອະນຸມັດການອອກແບບສ້າງສູນກິລາທີ່ສູງທີ່ສຸດໃນໂລກ ໃນນະຄອນຫຼວງຣິຍາດ ໂດຍຈະມີຄວາມສູງ 130 ແມັດ ພ້ອມພື້ນທີ່ໃຊ້ງານພາຍໃນ 84.000 ຕາແມັດ.
ສື່ມວນຊົນທ້ອງຖິ່ນລາຍງານວ່າ: ສູນ Global Sports Tower ຈະເປັນແລນມາກ ສຳຄັນນພາຍໃນໂຄງການ Sports Boulevard.
ສູນກິລາດັ່ງກ່າວຈະປະກອບດ້ວຍສິ່ງອຳນວຍຄວາມສະດວກດ້ານກິລາຫຼາຍກວ່າ 30 ແຫ່ງ ແລະ ໜ້າຜາຈຳລອງໃນຮົ່ມສູງ 98 ແມັດ ຊຶ່ງຄາດວ່າຈະເປັນໜ້າຜາຈຳລອງໃນຮົ່ມທີ່ສູງທີ່ສຸດໃນໂລກ.
ທັງນີ້, ຊາອຸດິ ອາຣັບບີ ແນະນຳໂຄງການ Sports Boulevard ໃນປີ 2019, ໂດຍຖືກອອກແບບໃຫ້ອ້ອມຮອບດ້ວຍພື້ນທີ່ສີຂຽວ. ພື້ນທີ່ເປີດໂລ່ງ ແລະ ມີສິ່ງອໍານວຍຄວາມສະດວກສໍາລັບກິລາແບບປະສົມປະສານເຖິງ 50 ປະເພດໃນພື້ນທີ່ຫຼາຍກວ່າ 4,4 ລ້ານຕາແມັດ.
