ຕາມຂ່າວຈາກ VOVWORLD, ວັນທີ7 ກໍລະກົດນີ້, ຫ້ອງການ ຄົ້ນຄວ້າ ເສດຖະກິດ ມະຫາພາກ ອາຊຽນ+3 (AMRO) (ລວມມີ 10 ປະເທດ ສະມາຊິກ ອາຊຽນ ພ້ອມກັບ ຈີນ, ຍີ່ປຸ່ນ ແລະ ສ.ເກົາຫລີ) ໄດ້ປັບຫລຸດ ລະດັບ ຄາດຄະເນ ການເຕີບໂຕ ເສດຖະກິດປີ 2022 ຂອງ ອາຊຽນ + 3 ຈາກ 4,7% ລົງມາເປັນ 4,3%. ນອກນີ້, AMRO ຍົກລະດັບ ຄາດຄະເນ ໄພເງິນເຟີ້ ຂອງພາກພື້ນ ເພີ່ມຂຶ້ນອີກ 1,7% ມາເປັນ 5,2%, ເມື່ອທຽບໃສ່ ລະດັບ ການຄາດຄະເນ ເມື່ອເດືອນເມສາ ຜ່ານມາ.
ເຖິງຢ່າງໃດກໍຕາມ, AMRO ຄາດຄະເນວ່າ ອັດຕາ ໄພເງິນເຟີ້ ໃນປີໜ້າ ຈະຫລຸດລົງ ໃນລະດັບ 2,8%, ໃນຂະນະນັ້ນ, ການເຕີບໂຕ ເສດຖະກິດ ຢູ່ພາກພື້ນ ຈະບັນລຸ 4,9%, ສູງກວ່າ ລະດັບ ທີ່ໄດ້ ຄາດຄະເນ ກ່ອນໜ້ານັ້ນ 4,6%. ສຳລັບ ບັນດາ ພື້ນຖານ ເສດຖະກິດ ອາຊຽນ+3 ພວມຄ່ອຍໆ ຖືໂລກລະບາດ ໂຄວິດ-19 ແມ່ນພະຍາດ ທົ່ວໄປ, ສະພາບ ການໂລກ ລະບາດ ແລະ ມາດຕະການ ຈຳກັດ ກ່ຽວຂ້ອງເຖິງ ການທ່ອງທ່ຽວ ກໍຈະໄດ້ຮັບ ການຜ່ອນຜັນ ກວ່າອີກ, ຈາກນັ້ນ ຊຸກຍູ້ ການເຄື່ອນ ໄຫວ ຟື້ນຟູ ເສດຖະກິດ ຢ່າງຮອບ ເຮັດໃຫ້ ຄວາມຕ້ອງການ ຢູ່ພາຍໃນປະເທດ ເພີ່ມຂຶ້ນ. ຂະນະທີ່ ການເຕີບໂຕ ຂອງອາຊຽນ + 3 ໃນປີນີ້ ແລະ ປີໜ້າ ຈະຮັກສາ ທ່ວງທ່າ ເພີ່ມຂຶ້ນ ຢ່າງແຮງ, ພິເສດ ແມ່ນອາຊຽນ./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
