ພະຍາກອນອາກາດ ວັນທີ 03 ຕຸລາ 2023, ຮ່ອງຄວາມກົດດັນອາກາດ ຕໍ່າຍັງພາດຜ່ານພາກໃຕ້ຂອງປະເທດລາວ, ສົມທົບກັບລົມຕາເວັນອອກ- ຕາເວັນອອກສ່ຽງເໜືອພັດປົກຄຸມ. ຊຶ່ງຈະເຮັດໃຫ້ຍັງຈະມີຝົນຕົກຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ໃນແຕ່ລະພາກ ແລະຕົກໃນລະດັບປານກາງ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກໃຕ້.
ສໍາລັບນະຄອນຫລວງວຽງຈັນ ອາກາດຮ້ອນ ຈະມີຝົນຕົກໃນລະດັບຄ່ອຍ ຟ້າຮ້ອງ ຟ້າເຫລື້ອມຢູ່ບາງບໍລິເວນ ແລະມີລົມພັດແຮງເປັນບາງໂອກາດ ຫລືເນື້ອທີ່ປົກຫຸ້ມຂອງຝົນເທົ່າກັບ 25%. ອຸນຫະພູມໃນລະຫວ່າງ 25-35 ອົງສາ.
