ຕາມຂ່າວຈາກເອເອຟພີ ວັນທີ19 ກັນຍານີ້ີ້ ຢູເນສໂກ (UNESCO) ຂຶ້ນທະບຽນສວນສາທາລະນະແຫ່ງຊາດ ໃນກົວເຕມາລາ ທີ່ສະແດງເຖິງອະລິຍະທຳ ຂອງຊາວມາຍາ (Maya) ໃນຍຸກຕົ້ນ ເປັນມໍລະດົກໂລກ ທາງວັດທະນະທຳ ພາຍຫລັງຄະນະກຳມະການມໍລະດົກໂລກ ຂອງອົງການເພື່ອການສຶກສາວິທະຍາສາດ ແລະ ວັດທະນະທຳແຫ່ງສະຫະ ປະຊາຊາດ (UNGA) ມີມະຕິຮັບຮອງສວນສາທາລະນະແຫ່ງຊາດ ຕາກາລິກ ອໍບາ(Takʼalik Aʼbaj) ຊຶ່ງເປັນແຫລ່ງ ອະລິຍະທຳເກົ່າແກ່ທີ່ສຸດ ອາຍຸປະມານ 1.700 ປີ ໃຫ້ເປັນມໍລະດົກໂລກທາງວັດທະນະທຳ ຕັ້ງຢູ່ຫ່າງຈາກນະຄອນຫລວງ ກົວເຕມາລາ ໄປທາງຕາເວັນຕົກ ປະມານ 200 ກິໂລແມັດ ເຄີຍເປັນ ຖິ່ນຖານຂອງ ຊາວໂອລເມກ ຖືວ່າເປັນບັນພະບຸລຸດ ຂອງພາກພື້ນ Mesoamerican ກ່ອນທີ່ຈະກາຍເປັນ ທີ່ຢູ່ອາໄສ ຂອງຊາວມາຍາ (Maya) ຕໍ່ມາ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
