ວິທະຍຸກະຈາຍສຽງຫວຽດນາມລາຍງານວ່າ: ຄະນະຜູ້ແທນກຳມະບານ, ການສຶກສາ ຫວຽດນາມ ໂດຍທ່ານ ຫງວຽນງອກເອິນ ໄດ້ນຳພາຄະນະເຂົ້າຮ່ວມກອງປະຊຸມສະພາການສຶກສາອາຊຽນ ແລະ ສ ເກົາຫຼີ (ACT+1) ຄັ້ງທີ 37 ທີ່ຈັດຂຶ້ນຢູ່ ນະຄອນຫຼວງກົວລາລຳເປີ ປະເທດມາເລເຊຍ, ດ້ວຍຫົວຂໍ້: “ກຳນົດທິດການສຶກສາໃນອະນາຄົດ”.
ຂ່າວລະບຸວ່າ: ກອງປະຊຸມໄດ້ດຳເນີນໃນລະຫວ່າງວັນທີ 15 – 17 ກັນຍາ, ACT+1 ຄັ້ງທີ 37 ມີພະນັກງານ, ຄູສອນ 600 ຄົນ ທີ່ມາຈາກບັນດາອົງການກຳມະການການສຶກສາ, ກຳມະບານຄູສອນ ແລະ ສະມາຄົມ ຄູສອນ ຂອງ 9 ປະເທດສະມາຊິກ ACT+1 ລວມມີ: ສ ເກົາຫຼີ ແລະ 8 ປະເທດສະມາຊິກອາຊຽນ ຄື: ບຣູໄນ, ອິນໂດເນເຊຍ, ມາເລເຊຍ, ລາວ, ຟີລິບປິນ, ສິງກະໂປ, ໄທ, ຫວຽດນາມ ຜູ້ເຂົ້າຮ່ວມ. ຄະນະຜູ້ແທນ ຫວຽດນາມ ໄດ້ມີການແລກປ່ຽນທີ່ສຸມໃສ່ບັນດາສິ່ງທ້າທາຍ, ໂອກາດຂອງຄູສອນໃນວິວັດທະນາການຕອບສະໜອງບັນດາຄວາມຮຽກຮ້ອງຕ້ອງການຂອງວິວັດທະນາການປ່ຽນແປງໃໝ່ການສຶກສາ. ນອກຈາກນັ້ນ, ຄະນະຜູ້ແທນ ຫວຽດນາມ ກໍໄດ້ເຂົ້າຮ່ວມຫຼາຍການເຄື່ອນໄຫວພົບປະແລກປ່ຽນ, ສະແດງສິລະປະ ແລະ ວາງສະແດງແນະນຳບັນດາຜະລິດຕະພັນກາເຟປະເພດຕ່າງໆ.
