ວິທະຍຸກະຈາຍສຽງຫວຽດນາມລາຍງານວ່າ: ງານວາງສະແດງ ແລະ ການແຂ່ງຂັນສິລະປະການຈັດດອກໄມ້ສາກົນ (World Flower Council Summit 2023) ໄດ້ຈັດຂຶ້ນເມື່ອບໍ່ດົນມານີ້ ທີ່ນະຄອນ ດາລາດ ແຂວງເລິມດົງ (ຫວຽດນາມ).
ຂ່າວລະບຸວ່າ: ການຈັດຕັ້ງພິທີແມ່ນການຮ່ວມມືລະຫວ່າງ ສະມາຄົມດອກໄມ້ໂລກ (World Flower Council – WFC) ແລະ ມະຫາວິທະຍາໄລ ດາລາດ, ໂດຍການເຂົ້າຮ່ວມຂອງຜູ້ແທນ, ນັກສິລະປະກອນ 200 ຄົນທີ່ມາຈາກ 18 ປະເທດ ແລະ ເຂດແຄ້ວນ. ນີ້ແມ່ນການຈັດງານຄັ້ງທີ 37 ຂອງສະມາຄົມດອກໄມ້ໂລກ ແຕ່ເປັນຄັ້ງທຳອິດທີ່ຈັດງານຢູ່ ນະຄອນແຫ່ງດອກໄມ້ ດາລາດ.
ຫຼັງຈາກເປີດພິທີ, ນັກສິລະປະກອນອອກແບບການຈັດດອກໄມ້ 6 ຄົນທີ່ມາຈາກ ສິງກະໂປ, ມາເລເຊຍ, ເກົາຫຼີໃຕ້, ຍີ່ປຸ່ນ, ມາເກົາ (ສປ ຈີນ), ຮົງກົງ (ສປ ຈີນ) ກໍໄດ້ຂຶ້ນສະແດງສິລະປະການຈັດດອກໄມ້ເທິງເວທີ ແລະ ຢູ່ໃນຂອບເຂດຂອງລາຍການ, ນັກສິລະປະກອນ 18 ຄົນ, ຕາງໜ້າໃຫ້ 18 ປະເທດ ແລະ ເຂດແຄ້ວນ ກໍສືບຕໍ່ເຂົ້າຮ່ວມການສະແດງສິລະປະການຈັດດອກໄມ້ເທີງເວທີ ເພື່ອແນໃສ່ນຳສະເໜີກ່ຽວກັບສິລະປະການຕົກແຕ່ງດອກໄມ້ສົດທີ່ມີຄວາມງົດງາມ ແລະ ມີຄວາມໝາຍທີ່ສຸດ.
