ຕາມຂ່າວຈາກ ວະທິຍຸສາກົນ ຫວຽດນາມ, ເມື່ອບໍ່ດົນມານີ້, ທ່ານ Antonio Guterres, ເລຂາທິການໃຫຍ່ ສປຊ ໄດ້ຍົກໃຫ້ເຫັນເຖິງ ການນຳ ກຸ່ມບັນດາ ພື້ນ ຖານ ເສດຖະກິດ ພັດທະນາ ແລະ ຫາກໍ່ພົ້ນເດັ່ນ ແຖວໜ້າ ຂອງໂລກ (G20) ອາດສາມາດ ຕ່າວປິ້ນ ວິກິດການ ດ້ານພູມອາກາດ ພວມ “ເກີນຂອບເຂດ ຄວບຄຸມ”, ພ້ອມ ທັງຊຸກຍູ້ G20 ສ້າງບັນດາ ຫລັກການ ການເງິນ ທົ່ວໂລກ ໃຫ້ເປັນຮູບປະທຳ ຄືນໃໝ່ ຫລັງຈາກ ຈັດກອງປະຊຸມຂຶ້ນຢູ່ ອິນເດຍ, ທ່ານ Antonio Guterres ຍັງເນັ້ນ ໜັກ ວ່າ: ວິກິດການ ດ້ານພູມອາກາດພວມ ນັບມື້ນັບໜັກໜ່ວງ, ແຕ່ປັດຈຸບັນ ຍັງຂາດບັນດາ ຄວາມມານະພະຍາຍາມ ລວມໝູ່ ທີ່ເຕັມໄປ ດ້ວຍຄວາມມັກໃຫຍ່ໄຜ່ສູງ ແລະ ຮີບ ດ່ວນ ເພື່ອຮັບມືກັບ ສະພາບການນີ້.ປະຈຸບັນ, G20 ໄດ້ປ່ອຍ 80% ປະລິມານ ອາດພິດ ໃນທົ່ວໂລກ. ດັ່ງນັ້ນ ຈຶ່ງຮຽກຮ້ອງໃຫ້ G20 ໃຫ້ຄຳໝັ້ນ ສັນຍາຢືດໝັ້ນ ເປົ້າໝາຍຂອງ ສັນຍາປາຣີ ກ່ຽວກັບ ການປ່ຽນແປງຂອງ ດິນຟ້າອາກາດ, ຕາມນັ້ນແລ້ວ, ໄດ້ຈຳກັດ ລະດັບເພ່ີ່ມ ອຸນຫະພຸມ ສະເລ່ຍ ທົ່ວໂລກ ຕ່ຳກ່ວາ 1,5 ອົງສາ C ເມື່ອ ທຽບໃສ່ ໄລຍະກ່ອນ ສະໄໝອຸດສາຫະກຳ. ບັນດາການນຳ G20 ຮັບປະກັນ ການຮັກສາ ບ້ວງງົບປະມານ ໜ້ອຍສຸດ ແມ່ນ 500 ຕື້ໂດລາ ສະຫະລັດ ໃນແຕ່ລະປີ ເພື່ອຊຸກຍູ້ ບັນດາມາດ ຕະການເໝາະສົມ ກັບບັນດາ ເປົ້າໝາຍ ພັດທະນາ ແບບຍືນຍົງ ແລະ ໄດ້ເນັ້ນໜັກ ຄວາມຈຳເປັນ ຕ້ອງມີກົນໄກ ແກ້ໄຂໜີ້ ຢ່າງມີປະສິດທິຜົນ, ຕໍ່ກຳນົດ ເວລາ ໃຫ້ການກູ້ຢຶມ ແລະ ຈັດວາງ ອັດຕາ ດອກເບ້ຍ ຕ່ຳກ່ວາ ເພື່ອໜູນຊ່ວຍ ບັນດາປະເທດ ທຸກຍາກກ່ວາ ຮັບມືກັບ ກັບການປ່ຽນແປງ ຂອງດິນຟ້າ ອາກາດ ແລະ ການພັດ ທະນາ ແບບຍືນຍົງ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
