ຕາມຂ່າວຈາກເມືອງ Perth ຂອງ ອົດສະຕາລີ, ວັນທີ 8 ກັນຍານີ້ ຜົນການ ສຶກສາ ຫລ້າສຸດຈັດພີມ ໃນວາລະສານ BMJ Oncology ວ່າ: ຄົນເປັນ ພະຍາດ ມະເຮັງ ໃນກຸ່ມ ຜູ້ທີ່ມີອາຍຸ ຕ່ຳກວ່າ 50ປີ ທົ່ວໂລກ ເພີ່ມຂຶ້ນ ເກືອບ 80% ຈາກ 1,82 ລ້ານຄົນ ມາເປັນ 3,26 ລ້ານຄົນໃນໄລຍະ 30ປີ ຜ່ານມາ. ຂະນະທີ່ອັດຕາການເສຍຊີວິດ ສຳລັບຜູ້ໃຫຍ່ໄລຍະອາຍຸ 40 ປີ ຫລື ນ້ອຍກວ່າ ສູງຂຶ້ນ 27% ສົ່ງຜົນໃຫ້ ຜູ້ເປັນພະຍາດນີ້ ທີ່ມີອາຍຸ ຕ່ຳກວ່າ 50 ປີ ເສຍຊີວິດ ຫລາຍກວ່າ 1 ລ້ານຄົນ ຕໍ່ປີ ຊຶ່ງສະແດງ ໃຫ້ເຫັນວ່າ ທຸກຄົນ ທີ່ຢູ່ໃນ ກຸ່ມສ່ຽງ ຕ້ອງໄດ້ຮັບ ການກວດ ສຸຂະພາບ ປະຈຳປີ ເພື່ອຊອກຫາ ພະຍາດ ມະເຮັງ ໂດຍໄວ ເພື່ອໃຫ້ໄດ້ຮັບການປິ່ນປົວໃຫ້ທັນເວລາ ແລະ ການໃຊ້ມາດຕະການປ້ອງກັນຕ່າງໆ ຫລຸດຜ່ອນອັດຕາການເສຍຊີວິດ ໃຫ້ຫລຸດ ໜ້ອຍລົງທີ່ສຸດ.ສຳລັບ ສາເຫດຫລັກ ເຮັດໃຫ້ເກີດ ພະຍາດນີ້ແມ່ນ ການສູບຢາ,ການບໍລິໂພກ ເຄື່ອງດື່ມ ທີ່ມີທາດເຫລົ້າ, ພະຍາດຕຸ້ຍ, ການຂາດ ການອອກ ກຳລັງກາຍ ແລະ ການຮັບປະທານໝາກໄມ້ສົດ ແລະ ພືດຜັກ ໃນປະລິມານໜ້ອຍ ໃນການດຳລົງ ຊີວິດ ປະຈຳ ວັນ ມີຄວາມສ່ຽງສູງ ຕໍ່ການເປັນ ພະຍາດ ມະເຮັງ. ດັ່ງນັ້ນ ຄວນຫລີກລ້ຽງ ການບໍລິໂພກ ອາການ ແລະ ເຄື່ອງດື່ມ ທີ່ສ່ຽງກໍໃຫ້ເກີດ ພະຍາດນີ້.ຂະນະທີ່ ພະຍາດ ມະເຮັງ ເຕົ້ານົມ ມີຫລາຍທີ່ສຸດ 13,7 ຄົນ ແລະ ເສຍຊີວິດ 3,5 ຄົນ ຕໍ່ປະຊາກອນໂລກ 100.000ຄົນ ຖືກວ່າສູງທີ່ສຸດ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
