ຕາມຂ່າວຈາກ ຮົງກົງ, ສະຖານະການນ້ຳຖ້ວມ ຫລັງຝົນຕົກໜັກໃນເຂດບໍລິຫານພິເສດຮົງກົງ ຂອງ ສປ ຈີນ ຕັ້ງແຕ່ຄືນວັນທີ8 ກັນຍານີ້ ສົ່ງຜົນໃຫ້ການຈະລາຈອນເປັນອຳມະພາດ ແລະ ມີຜູ້ໄດ້ຮັບບາດເຈັບ 83 ຄົນ ໃນນີ້ເຈັບໜັກ 3 ຄົນ ຖືວ່າຝົນຕົກໜັກສຸດ ໃນຮອບເກືອບ 140 ປີ ຖະໜົນບາງສາຍມີນ້ຳຖ້ວມລະດັບແອວ. ຂະນະທີ່ລົດໄຟຟ້າໃຕ້ດິນຢ່າງໜ້ອຍ 1 ສາຍ ຕ້ອງໂຈະ ການໃຫ້ບໍລິການ ເນື່ອງຈາກນ້ຳຖ້ວມ ໃນພາຍສະຖານີລົດໄຟໃຕ້ດິນວ່ອງໄທຊິນ (Wong Tai Sin). ນອກນີ້ອຸໂມງໃຕ້ ທະເລ ຊຶ່ງເປັນທາງ ສັນຈອນສຳຄັນທີ່ເຊື່ອມຕໍ່ເກາະຮົງກົງ ກັບ ຝັ່ງເກົາລູນ (Kowloon) ກໍ່ຖືກນໍ້າຖ້ວມເຊັ່ນກັນ. ເຮືອຂ້າມຟາກ ຈາກເກາະ ຮົງກົງ ໄປມາກາວຕ້ອງໂຈະ ການບໍລິການ ຈໍານວນຫລາຍລວມທັງ ດ່ານຊາຍແດນ ທັງສອງຝັ່ງ ເມືອງເຊີນເຈີ້ນ ແລະ ຝັ່ງຮົງກົງ ຕ້ອງປິດຊົ່ວຄາວ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
