ສື່ມວນຊົນເປີດເຜີຍວ່າ Al-Ittihad ບໍ່ຂໍຊື້ ໂມຮາເໝັດ ຊາລາ ຈາກທີມ ລີເວີພູລ ແລ້ວ ຫຼັງຈາກຍື່ນເງິນໄປເຖິງ 215 ລ້ານປອນ ແຕ່ຍັງຖືກປະຕິເສດ.
ໂມຮາເໝັດ ຊາລາ ກອງໜ້າຕົວເກັ່ງຂອງທີມ ລິເວີພູລ ໄດ້ຮັບຄວາມສົນໃຈຈາກ Al-Ittihad ທີມດັງໃນລີກ ຊາອຸດິອາຣະເບຍ ທີ່ຕ້ອງການຈະຄວ້າຕົວມາຮ່ວມທັບ.
ແຕ່ຂໍ້ສະເໜີຂໍຊື້ຕົວຂອງ Al-Ittihad ກັບຖືກ ລີເວີພູລ ປະຕິເສດມາເຖິງ 3 ຮອບ ໃນຮອບສຸດທ້າຍ ພວກເຂົາຍື່ນເງິນໃຫ້ເຖິງ 215 ລ້ານປອນ ກໍຍັງຖືກທີມ ລີເວີພູລ ລອກປະຕິເສດຢ່າງບໍ່ໄຍດີ.
ຫຼ້າສຸດ ມີລາຍງານວ່າ Al Ittihad ໄດ້ຂໍຖອນຕົວອອກຈາກການໄລ່ລ່າ ໂມຮາເໝັດ ຊາລາ ແລ້ວ ແລະ ພວກເຂົາຈະບໍ່ຍື່ນຂໍ້ສະເໜີຂໍຊື້ນັກເຕະຄົນນີ້ອີກຕໍ່ໄປ.
ສຳລັບ ໂມຮາເໝັດ ຊາລາ ອາຍຸ 31 ປີ ຍັງເຫຼືອສັນຍາກັບ ລິເວີພູລ ອີກ 2 ປີ ເຊິ່ງຜົນງານຂອງລາວໃນລະດູການນີ້ ລົງຫຼິ້ນໄປແລ້ວ 4 ນັດ ຍິງໄດ້ 2 ປະຕູ ແລະ ສົ່ງໃຫ້ໝູ່ຍິງອີກ 2 ນັດ.
