ວັນທີ 7 ກັນຍາ 2023 ໄດ້ມີພິທີການເປີດຮ້ານສະດວກຊື້ 7-ELEVEN ສາຂາທຳອິດໃນລາວ ພ້ອມໄດ້ເປີດໃຫ້ບໍລິການຢ່າງເປັນທາງການແລ້ວ ເຊິ່ງຕັ້ງຢູ່ທີ່ຖະໜົນສຸພານຸວົງ ບ້ານໜອງປາໄນ ເມືອງສີໂຄດຕະບອງ ນະຄອນຫຼວງວຽງຈັນ.
ໂດຍພາຍໃນງານຮັບກຽດໂດຍທ່ານ ບຸນເຖິງ ດວງສະຫວັນ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ທ່ານ ນາງ ມໍລະກົດ ສີສະຫວາດ ເອກອັກຄະລັດຖະທູດໄທ ຮ່ວມກັບ ທ່ານ ໄຊໂຣດ ທີວັດໝັ້ນຈະເລີນ Managing Director International Business ບໍລິສັດ ຊີພີ ອໍລ໌ ຈໍາກັດ (ມະຫາຊົນ) ໄດ້ໃຫ້ກຽດເປັນປະທານໃນການຕັດຣິບບິ້ນ.
ໂດຍຮ້ານສະດວກຊື້ 7ELEVEN ໃນລາວ ບໍລິຫານໂດຍ ບໍລິສັດ ຊີພີ ອໍລ໌ ລາວ ຈຳກັດ ໃນກຸ່ມ ຊີພີ ອໍລ໌ ເຊິ່ງເຂົ້າມາເປັນໜຶ່ງໃນທາງເລືອກເພື່ອອຳນວຍຄວາມສະດວກໃຫ້ກັບປະຊາຊົນໃນການເປີດໃຫ້ບໍລິການ 24 ຊົ່ວໂມງ ພ້ອມກັບສິນຄ້າກວ່າ 5,000 ລາຍການ ເພື່ອຕອບສະໜອງຄວາມຕ້ອງການຂອງຜູ້ບໍລິໂພກທູກກຸ່ມ, ເນັ້ນຄຸນະພາບ, ມາດຕະຖານທັງສິນຄ້າອຸປະໂພກ, ບໍລິໂພກ ອາຫານສຳເລັດຮູບພ້ອມຮັບປະທານ ລວມທັງສິນຄ້າຍອດນິຍົມຕະຫຼອດການເຊັ່ນ: ສະເລີປີ້ ແລະ ເຄື່ອງດື່ມທີ່່ສາມາດໃຫ້ຊົງດື່ມໄດ້ເລີຍ.
ທ່ານ ໄຊໂຣດ ທີວັດໝັ້ນຈະເລີນ Managing Director International, ບໍລິສັດ ຊີພີ ອໍລ໌ ຈໍາກັດ (ມະຫາຊົນ) ໄດ້ກ່າວວ່າ ແນວທາງບໍລິຫານຂອງ 7-ELEVEN ໃນລາວ ຢຶດໝັ້ນນະໂຍບາຍ “ຄ່ານິຍົມ 3 ປະໂຫຍດ” ຂອງເຄືອຈະເລີນໂພກກະພັນ ຄື ສ້າງປະໂຫຍດໃຫ້ປະເທດຊາດ, ປະຊາຊົນ ແລະ ອົງກອນ ດຳເນີນທຸລະກິດຢ່າງມີການປົກຄອງທີ່ດີ ເບິ່ງແຍງສັງຄົມ ແລະ ຊຸມຊົນຕາມການແກ້ໄຂບັນຫາ ນຳທຸລະກິດໄປສູ່ການເຕີບໃຫ່ຍຢ່າງຍືນຍົງ.
ວັນທີ 28 ກັນຍາ 2023 ບໍລິສັດ ຊີພີ ອໍລ໌ ລາວ ຈຳກັດ ໄດ້ເຂົ້າເຊັນສັນຍາແຟຣນຊາຍຫຼັກສຳລັບການດຳເນີນຮ້ານສະດວກຊື້ 7-ELEVEN ໃນລາວ ກັບ 7-ELEVEN Inc. ໂດຍ CP ALL LAOS CO.LTD ໄດ້ຮັບສິດແຟຣນຊາຍການຈັດຕັ້ງ ແລະ ດຳເນີນການຮ້ານ 7-ELEVEN ໃນລາວເປັນໄລຍະເວລາ 30 ປີ ໂດຍຕູ່ສັນຍາຈະຕົກລົງຕໍ່ອາຍຸສັນຍາໄດ້ອີກສອງຄັ້ງ ຄັ້ງລະ 20 ປີ.
ທັງນີ້ CP ALL LAOS Co., Ltd ເປັນບໍລິສັດຍ່ອຍທີ່ຈັດຈັ້ງຂຶ້ນໃໝ່ຕາມກົດໝາຍຂອງ ສປປ ລາວ ເພື່ອດຳເນີນທຸລະກິດຮ້ານ 7-Eleven ຕາມສັນຍາແຟນຊາຍຫຼັກເບື້ອງຕົ້ນໃນ ສປປ ລາວ ໂດຍມີທຶນຈົດທະບຍນເລິ່ມຕົ້ນຈຳນວນທັງໝົດ 20,000,000,000 ກີບ (ຫຼື ປະມານ 2,200,000 ໂດລາ)
