ຕາມຂ່າວຈາກ ປາຣີ,ວັນທີ18 ສິງຫານີ້, ທ່ານ ນາງ ອາລີຊາເບຣບອນ,ນາຍົກ ລັດຖະມົນຕີ ຝຣັ່ງ ເຂົ້າຮ່ວມ ກອງປະຊຸມ ສຸກເສີນກັບ ເຈົ້າໜ້າທີ່ ລະດັບສູງ ໜ່ວຍງານ ຫລາຍແຫ່ງ ເພື່ອກຳນົດ ມາດຕະການ ຊ່ວຍເຫລືອ ປະຊາຊົນ ຫລຸດຜ່ອນ ອາກາດຮ້ອນ ຫລາຍທີ່ສຸດ ໂດຍອຸນຫະພູມ ອາດເພີ່ມ ສູງຫລາຍກວ່າ 41 ອົງສາເຊ.ຂະນະທີ່ ອົງການ ສາທາລະນະສຸກ ຝຣັ່ງ ລາຍງານວ່າ: ປະຊາຊົນ ຢ່າງໜ້ອຍ 30ຄົນ ເສຍຊີວິດ ຈາກສາເຫດ ອາກາດ ຮ້ອນແຮງ ໃນເດືອນກໍລະກົດ ສະເພາະ ໃນເດືອນມິຖຸນາ ມີຜູ້ເສຍຊີວິດ 80ຄົນ.ຂະນະທີ່ ຝຣັ່ງ ບັນທຶກສະຖິຕິ ຜູ້ເສຍຊີວິດ ຈາກສະພາບ ອາກາດຮ້ອນ ໃນປີກາຍນີ້ ຫລາຍກວ່າ 4.800ຄົນ ແລະ ເອີຣົບ ມີຜູ້ເສຍຊີວິດ ຫລາຍກວ່າ 61.000ຄົນ.ນອກຈາກນີ້ ແຂວງປີເຣເນ-ອໍຣິຍອງຕາ ທາງພາກໃຕ້ ຂອງຝຣັ່ງ ມີຊາຍແດນ ຕິດກັບ ແອັດສະປາຍ ເກີດໄຟປ່າ ສົ່ງຜົນໃຫ້ ຕ້ອງຍົກຍ້າຍ ປະຊາຊົນ ຫລາຍກວ່າ 3.000ຄົນແລ້ວ./.
(ບັນນາທິການຂ່າວ: ຕ່າງປະເທດ)
