ຕາມຂ່າວຈາກ ນີວແດນລີ, ອົງການອະນາໄມໂລກ ຈັດກອງປະຊຸມສຸດຍອດການແພດຢາພື້ນເມືອງ ເປັນຄັ້ງທຳອິດໃນລະຫວ່າງ ວັນທີ17-18 ສິງຫານີ້ ຄຽງຄູໄປກັບ ກອງປະຊຸມລັດຖະມົນຕີສາທາລະນະສຸກ ກຸ່ມປະເທດເສດຖະກິດ ຂະໜາດໃຫຍ່ ຫລື ຈີ 20 ທີ່ລັດຄຸຈາຣາດ ທາງຕາເວັນຕົກ ຂອງອິນເດຍ.
ສຳລັບການແພດຢາພື້ນເມືອງ ສາມາດຫລຸດຜ່ອນຊ່ອງວ່າງໃນການເຂົ້າເຖິງບໍລິການສຸຂະພາບຫາກມີການໃຊ້ ຢ່າງເໝາະສົມມີປະສິດທິພາບ ແລະ ທີ່ສຳຄັນທີ່ສຸດຄືມີຄວາມປອດໄພ ໂດຍອີງຕາມຫລັກຖານທາງວິທະຍາສາດຫລ້າສຸດ. ປັດຈຸບັນສະມາຊິກອົງການອະນາ ໄມໂລກ ທີ່ໃຫ້ການຮັບຮອງການແພດຢາພື້ນເມືອງ ແລະ ການແພດທາງເລືອກມີ 170 ລັດ ຈາກທັງໝົດ 194 ລັດ ແລະ ມີພຽງ 124 ລັດ ທີ່ມີກົດໝາຍ ຫລື ລະບຽບການນຳໃຊ້ພືດສະໝູນໄພ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
