ແຈ້ງເຕືອນຝົນຕົກໜັກ ແລະ ນໍ້າຖ້ວມ ປະຈາວັນທີ 03 ສິງຫາ 2023

ແຈ້ງເຕືອນຝົນຕົກໜັກ ແລະ ນໍ້າຖ້ວມ ປະຈາວັນທີ 03 ສິງຫາ 2023 ເນື່ອງຈາກວ່າຝົນຍັງຈະສືບຕໍ່ຕົກໃນລະດັບປານກາງ ຫາ ຕົກໜັກຢູ່ ແຂວງພາກກາງ ແລະ ພາກໃຕ້, ຊຶ່ງຍັງຈະເຮັດໃຫ້ລະດັບແມ່ນໍ້າສາຂາຍັງ ຈະເພີ່ມຂຶ້ນ ໂດຍສະເພາະລະດັບນໍ້າຢູ່ສະຖານີແກ້ງກອກ (ນໍ້າເຊຈໍາພອນ) ເມືອງຈໍາພອນ ແຂວງສະຫວັນນະເຂດ ປັດຈຸບັນ ແທກໄດ້ 8.24 ແມັດ, ໄດ້ກາຍເຂດລະດັບອັນຕະລາຍແລ້ວ (ເຂດອັນຕະລາຍ 8.00 ແມັດ) ແລະ ຂົວເຊບັ້ງໄຟ (ເຊບັ້ງໄຟ) ເມືອງເຊບັ້ງໄຟ ແຂວງຄໍາມ່ວນ ແທກໄດ້16.90 ແມັດ ໃກ້ເຂດລະດັບເຕືອນໄພແລ້ວ (ເຂດລະດັບເຕືອນໄພ 17.50ແມັດ). ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ ແລະ ອໍານາດການ ປົກຄອງທຸກພາກສ່ວນທີ່ອາໄສຢູ່ລຽບຕາມແຄມນໍ້າເຊຈໍາພອນ ແລະ ຂົວເຊບັ້ງໄຟ ຈົ່ງມີສະຕິລະວັງຕໍ່ສະພາບຝົນຕົກໜັກທີ່ຈະເຮັດໃຫ້ເກີດ ມີດິນເຈື່ອນ, ນໍ້າຖ້ວມຊຸ ແລະ ນໍ້າຖ້ວມອັ່ງ ເກີດຈະຂຶ້ນໄດ້ໃນໄລຍະນີ້. ພ້ອມນີ້ຂໍໃຫ້ຕິດຕາມການລາຍງານຂ່າວພະຍາກອນອາກາດ ແລະ ລະດັບນໍ້າຈາກກົມອຸຕຸນິຍົມ ແລະ ອຸທົກກະສາດຢ່າງຕໍ່ເນື່ອງ.