ເຫັດມີປະໂຫຍດ ແລະ ຍັງສາມາດນຳໄປດັດແປງເປັນເມນູເພື່ອສຸຂະພາບໄດ້ຫຼາຍຢ່າງຊື່ງຈະດີຕໍ່ຮ່າງກາຍ ແລະ ຈິດໃຈເຫັດເປັນສ່ວນປະກອບອາຫານທີ່ມີລົດຊາດແຊບ!
ມື້ນີ້ມາເອົາໃຈຄົນຮັກສຸຂະພາບໂດຍຍຳເຫັດສາມສະຫາຍ ຊື່ງມີລົດຊາດແຊບນົວ ແຖມຍັງອີ່ມສະບາຍທ້ອງຈາກເຫັດເຂັມ ແລະ ເຫັດຊິເມຈິຂາວ – ດຳ.
ວັດຖຸປະກອບມີ:
- ເຫັດເຂັມ 1 ຖ້ວຍ
- ເຫັດຊິເມຈິດຳ 1 ຖ້ວຍ
- ເຫັດຊິເມຈິຂາວ 1 ຖ້ວຍ
- ນໍ້າປາ 1 ບ່ວງ
- ນໍ້າຕານ 1 ບ່ວງກາເຟ
- ນໍ້າໝາກນາວ 1 ບ່ວງເຄີ່ງ
- ໝາກເຜັດຂີ້ໜູຊອຍລະອຽດ 10 ໜ່ວຍ
- ໝາກເລັນ ½ ຖ້ວຍ
- ຜັກບົ່ວໃຫຍ່ ½ ຫົວ
- ຜັກຊີ 1 ຕົ້ນ
ວິທີເຮັດ:
- ຊອຍເຫັດທີ່ມີທັງໝົດ ແລະ ລ້າງໃຫ້ສະອາດ
- ຊອຍໝາກເລັນ ຜັກບົ່ວໃຫຍ່ ຜັກຊີ ແລະ ຕຳໝາກເຜັດຂີ້ໜູແລ້ວກຽມໄວ້
- ເຮັດນໍ້າຍຳ ເຊັ່ນ: ນໍ້າປາ ນໍ້າຕານ ນໍ້າໝາກນາວ ໝາກເຜັດ ແລ້ວຂົນໃຫ້ເຂົ້າກັນ
- ລວກເຫັດໃຫ້ສຸກ ແລ້ວປະສົມກັບນໍ້າຍຳໄວ້
- ໃສ່ຜັກຕ່າງໆ ທີ່ກຽມປະໄວ້ ຂົນໃຫ້ເຂົ້າກັນ ຕັກໃສ່ຈານພ້ອມເສີບ.
