ໄບຣຕັນ ໄດ້ປະຕິເສດຂໍ້ສະເໜີຂອງ ເຊວຊີ ອີກຄັ້ງ ຫຼັງຈາກຍື່ນຂໍ້ສະເໜີຮອບໃໝ່ 80 ລ້ານປອນ ເພື່ອຂໍຊື້ຕົວ ມອຍເຊສ ໄກເຊໂດ.
ເຊວຊີ ໄດ້ພະຍາຍາມໄລ່ລ່າຕົວ ມອຍເຊສ ໄກເຊໂດ ກອງກາງຕົວເກັ່ງຂອງ ໄບຣຕັນ ໄປຮ່ວມທີມ ແລະ ເຄີຍຍື່ນຂໍ້ສະເໜີລາຄາຫຼາຍຄັ້ງໃນລາຄາ 60 ລ້ານປອນ ແລະ 70 ລ້ານປອນ ແຕ່ທັງໝົດໄດ້ຖືກປະຕິເສດ.
ຫຼ້າສຸດ ຟາບຣິຊິໂອ ໂຣມາໂນ ນັກຂ່າວຄົນດັງລາຍງານວ່າ ໃນໄລຍະ 24 ຊົ່ວໂມງທີ່ຜ່ານມາ ເຊລຊີ ໄດ້ຍື່ນຂໍ້ສະເໜີຮອບໃໝ່ໃຫ້ກັບ ໄບຣຕັນ ພິຈາລະນາທີ່ຕົວເລກ 80 ລ້ານປອນ.
ແຕ່ ໄບຣຕັນ ກໍໄດ້ບອກປະຕິເສດຂໍ້ສະເໜີຮອບຫຼ້າສຸດຂອງທີມເຊວຊີເໝືອນເດີມ ເຮັດໃຫ້ທັງສອງສະໂມສອນຍັງຕ້ອງເຈລະຈາກັນເພື່ອຫາທາງທີ່ຈະຕົກລົງກັນໃຫ້ໄດ້ຕໍ່ໄປ ໂດຍທີ່ທີມ ໄບຣຕັນ ຕ້ອງການຢ່າງຫນ້ອຍ 100 ລ້ານປອນ
ລະດູຮ້ອນນີ້ ເຊວຊີ ພາຍໃຕ້ການຄຸມທີມຂອງ ໂປເຊດຕິໂນ່ ໄດ້ນັກເຕະໃໝ່ເຂົ້າຮ່ວມທີມຫຼາຍຄົນ ບໍ່ວ່າຈະເປັນ ຄຣິສໂຕເຟີ ເອັນກຸນກູ, ດິເອໂກ ໂມໄຣຣ່າ, ອັນເດຣ ຊານໂຕສ ແລະ ນິໂກລ່າ ແຈັກສັນ ລວມເຖິງ ມາໂລ ກຸສໂຕ ທີ່ກັບຄືນມາຈາກການປ່ອຍໃຫ້ ໂອລິມປິກ ລີຢົງ ຢືມໃຊ້ງານ.
