ເປັນປະເດັນອີກແລ້ວ ເມື່ອສື່ຕາໄວເຫັນ ປາຣີ ແຊງ-ແຊກແມັງ (PSG) ຖອດຮູບພາບຂອງ ຄີລິຢັນ ເອັມບັບເປ ກອງໜ້າເຈົ້າບັນຫາອອກຈາກໂປສເຕີຂອງຜູ້ສະໜັບສະໜູນ.
“PSG” ກັບ “ເອັມບັບເປ” ມີບັນຫາບໍ່ກິນເສັ້ນກັນໃນໄລຍະທີ່ຜ່ານມາ ພາຍຫຼັງຕົວນັກເຕະແຈ້ງວ່າຈະບໍ່ຕໍ່ສັນຍາທີ່ຈະໝົດອາຍຸລົງໃນປີ 2024.
ທີມດັງຈາກປາຣີ ພະຍາຍາມບີບໃຫ້ ເອັມບັບເປ ຍ້າຍໃນລະດູຮ້ອນນີ້ ຫຼືບໍ່ກໍຕ້ອງຕໍ່ສັນຍາ ແຖມຕັດເຂົາອອກຈາກທີມຊຸດອຸ່ນເຄື່ອງກ່ອນລະດູການໃນຍີ່ປຸ່ນ ແລະ ສ ເກົາຫຼີ.
ຫຼ້າສຸດມີເລື່ອງເພີ່ມຂຶ້ນ ເມື່ອແຊັມລີກ 1 ເຮັດທ່າທີຊັດເຈນວ່າ ເອັມບັບເປ ບໍ່ຄວນຢູ່ກັບສະໂມສອນອີກຕໍ່ໄປຈົນກວ່າຈະຕົກລົງຕອບຮັບສັນຍາສະບັບໃໝ່.
“PSG” ຖອນຮູບຂອງດາວຍິງອາຍຸ 24 ປີອອກຈາກໂປສເຕີຂອງ BrilliantCrypto ຜູ້ສະໜັບສະໜູນຂອງພວກເຂົາ ໂດຍໃສ່ຮູບຂອງ ມາໂກ ແວຣັດຕິ ທີ່ກໍາລັງຈະຍ້າຍໄປ ອັນ-ຮິລາວ ເຂົ້າມາແທນ.
ເຊື່ອກັນວ່າ PSG ຍອມຮັບວ່າ ເອັມບັບເປ ເຮັດຂໍ້ຕົກລົງທີ່ຈະຍ້າຍໄປ ຣິວ ມາດຣິດ ແບບບໍ່ມີຄ່າຕົວ ໃນປີ 2024 ເຊິ່ງເປັນສິ່ງທີ່ພວກເຂົາຍອມຮັບບໍ່ໄດ້ ແລະ ຕ້ອງການບັງຄັບໃຫ້ນັກເຕະອອກໄປໃນເວລານີ້.
