ຂ່າວສານຊີອາໄອລາຍງານ ໃນວັນທີ 18 ກໍລະກົດ ຜ່ານມາ, ກອງປະຊຸມຖະແຫຼງຂ່າວປະຈຳເດືອນກໍລະກົດ ທີ່ຈັດຂຶ້ນໂດຍຄະນະກຳມະການພັດທະນາ ແລະ ປະຕິຮູບແຫ່ງຊາດຈີນ ລະບຸວ່າ: ໃນ 6 ເດືອນຕົ້ນປີ 2023 ການນຳເຂົ້າ ແລະ ສົ່ງອອກຂອງປະເທດລຽບຕາມໜຶ່ງແລວໜຶ່ງເສັ້ນທາງ ເພີ່ມຂຶ້ນ 9,8% ເມື່ອທຽບໃສ່ໄລຍະດຽວກັນຂອງປີ 2022 ຊຶ່ງສູງກວ່າຈັງຫວະການເຕີບໂຕໂດຍລວມ 7,7%.
ນັບມາຮອດທ້າຍເດືອນມິຖຸນາຜ່ານມາ, ຈີນໄດ້ລົງນາມໃນເອກະສານການຮ່ວມມືກ່ຽວກັບການຮ່ວມກັນສ້າງໜຶ່ງແລວໜຶ່ງເສັ້ນທາງ 200 ກວ່າສະບັບ ກັບ 152 ປະເທດ ແລະ 32 ອົງການຈັດຕັ້ງສາກົນ. ໃນ 6 ເດືອນຕົ້ນປີ 2023, ລົດໄຟຈີນ-ເອີຣົບ ໄດ້ແລ່ນແລ້ວ 8.641 ຖ້ຽວ ເພີ່ມຂຶ້ນ 16% ເມື່ອທຽບໃສ່ໄລຍະດຽວກັນຂອງປີຜ່ານມາ, ໄດ້ຂົນສົ່ງສິນຄ້າດ້ວຍຕູ້ມາດຕະຖານ 936.000 ຕູ້ ເພີ່ມຂຶ້ນ 30% ເມື່ອທຽບໃສ່ໄລຍະດຽວກັນຂອງປີຜ່ານມາ. ໃນ 6 ເດືອນຕົ້ນປີນີ້, ການນຳເຂົ້າ ແລະ ສົ່ງອອກຂອງຈີນຕໍ່ປະເທດລຽບຕາມໜຶ່ງແລວໜຶ່ງເສັ້ນທາງ ໄດ້ເພີ່ມຂຶ້ນ 9,8% ເມື່ອທຽບໃສ່ໄລຍະດຽວກັນຂອງປີ 2022, ສູງກວ່າຈັງຫວະການເຕີບໂຕໂດຍລວມ 7,7%; ໃນ 5 ເດືອນຕົ້ນປີນີ້, ການລົງທຶນໂດຍກົງທີ່ບໍ່ແມ່ນປະເພດການທະນາຄານຕໍ່ປະເທດລຽບຕາມໜຶ່ງແລວໜຶ່ງເສັ້ນທາງ ຂອງຈີນໄດ້ເພີ່ມຂຶ້ນ19,6%.
