ອີງຕາມການເຜີຍຂໍ້ມູນຂອງສູນຂໍ້ມູນຂ່າວສານທາງດ້ານການຄ້າຂອງ ສປປ ລາວ ກະຊວງອຸດສາຫະກໍາ ແລະ ການຄ້າ ໄດ້ໃຫ້ຮູ້ວ່າ: ມູນຄ່າການນໍາເຂົ້າ ແລະ ສົ່ງອອກ ສິນຄ້າ ຂອງ ສປປ ລາວ ປະຈໍາເດືອນມິຖຸນາ 2023 ບັນລຸໄດ້ ປະມານ 1.041 ລ້ານໂດລາ. ໃນນີ້, ມູນຄ່າການສົ່ງອອກ ປະມານ 458 ລ້ານໂດລາ, ມູນຄ່າການນໍາເຂົ້າ ປະມານ 584 ລ້ານໂດລາ ເຮັດໃຫ້ ສປປ ລາວ ຂາດດຸນການຄ້າ ປະມານ 126 ລ້ານໂດລາ (ໃນນີ້ຍັງບໍ່ລວມເອົາການສົ່ງອອກໄຟຟ້າ).
ສິນຄ້າສົ່ງອອກ 10 ອັນດັບ ໄດ້ແກ່: ເກືອກາລີ, ຄຳປະສົມ ແລະ ຄຳແທ່ງ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ, ແຮ່ທອງ, ນໍ້າຕານ, ແຮ່ເຫຼັກ, ເຄື່ອງດື່ມ, ເຍື່ອໄມ້ ແລະ ເສດເຈ້ຍ, ເຄື່ອງນຸ່ງຫົ່ມ ແລະ ຢາງພາລາ.
ສິນຄ້ານໍາເຂົ້າ 10 ອັນດັບ ໄດ້ແກ່: ນ້ຳມັນກາຊວນ, ພາຫະນະທາງບົກ, ເຄື່ອງໄຟຟ້າ ແລະ ອຸປະກອນໄຟຟ້າ, ອຸປະກອນກົນຈັກ, ຊິ້ນສ່ວນອາໄຫຼ່ລົດ, ເຫຼັກ ແລະ ເຄື່ອງທີ່ເຮັດດ້ວຍເຫຼັກ, ເຄື່ອງດື່ມ, ນໍ້າມັນແອັດຊັງ, ເຄື່ອງໃຊ້ທີ່ເຮັດດ້ວຍພລາສະຕິກ ແລະ ສາຍໄຟຟ້າ ແລະ ເຄເບີ້ລ.
ປະເທດ ທີ່ ສປປ ລາວ ສົ່ງອອກຫຼາຍ 5 ອັນດັບ ໄດ້ແກ່: ຈີນ ປະມານ 172 ລ້ານໂດລາ, ຫວຽດນາມ ປະມານ 106 ລ້ານໂດລາ, ໄທ ປະມານ 48 ລ້ານໂດລາ, ອົສຕຣາລີ ປະມານ 33 ລ້ານໂດລາ ແລະ ສະຫະລັດອາເມຣິກາ ປະມານ 12 ລ້ານໂດລາ.
ປະເທດ ທີ່ ສປປ ລາວ ນໍາເຂົ້າຫຼາຍ 5 ອັນດັບ ໄດ້ແກ່: ໄທ ປະມານ 297 ລ້ານໂດລາ, ຈີນ ປະມານ 171 ລ້ານໂດລາ, ຫວຽດນາມ ປະມານ 29 ລ້ານໂດລາ, ສະຫະລັດອາເມຣິກາ ປະມານ 13 ລ້ານໂດລາ ແລະ ຍີ່ປຸ່ນ ປະມານ 15 ລ້ານໂດລາ.
ຂ່າວ: ສຸກສະຫວັນ
