ຂ່າວຕ່າງປະເທດລາຍງານ ໃນຕົ້ນອາທິດຜ່ານມາ, ຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (UNSC) ກຽມຈັດກອງປະຊຸມປຶກສາຫາລືກ່ຽວກັບບັນຫາປັນຍາປະດິດ (AI) ຢ່າງເປັນທາງການຄັ້ງທຳອິດທີ່ນິວຢອກ ພາຍໃນອາທິດນີ້ ໂດຍຄາດວ່າ ອັງກິດຈະຮຽກຮ້ອງໃຫ້ມີການປຶກສາຫາລືໃນລະດັບນາໆຊາດກ່ຽວກັບຜົນກະທົບຕໍ່ສັນຕິພາບ ແລະ ຄວາມໝັ້ນຄົງຂອງໂລກ.
ລັດຖະບານທົ່ວໂລກກຳລັງພິຈາລະນາເຖິງວິທີການໆຫຼຸດຄວາມອັນຕະລາຍຂອງເຕັກໂນໂລຊີ AI ທີ່ເລີ່ມປະກົດໃຫ້ເຫັນໃນຂະນະນີ້ ຊຶ່ງຄາດວ່າ AI ຈະປ່ຽນຮູບແບບເສດຖະກິດໂລກ ແລະ ປ່ຽນແປງພູມສັນຖານດ້ານຄວາມໝັ້ນຄົງລະຫວ່າງປະເທດໄດ້. ທັງນີ້, ເມື່ອເດືອນມິຖຸນາຜ່ານມາ, ທ່ານ ອັນໂຕນິໂອ ກູເຕີເຣສ ເລຂາທິການສະຫະປະຊາຊາດ (UN) ໄດ້ໃຫ້ການສະໜັບສະໜູນຂໍ້ສະເໜີຂອງບັນດາຜູ້ບໍລິຫານດ້ານ AI ສຳລັບການຈັດຕັ້ງອົງການເຝົ້າລະວັງ AI ໃນລະດັບນາໆຊາດ ຊຶ່ງອົງການດັ່ງກ່າວນັ້ນມີລັກສະນະການເຮັດວຽກເຊັ່ນດຽວກັບສຳນັກງານພະລັງງານປະຣະມະນູສາກົນ (IAEA).
