ຕາມຂ່າວຈາກນີວແດນລີ, ອິນເດຍເປີດໂຕອາຄານສຸຣັດໄດມອນບໍສ (Surat Diamond Bourse) ຊຶ່ງເປັນສຳນັກງານ ແລະ ອາຄານອະເນກປະສົງ ຂະໜາດໃຫຍ່ທີ່ສຸດໃນໂລກລື່ນກາຍອາຄານເພັນຕາກອນ (pentagon) ຂອງ ສ.ອາເມລິກາ ຊຶ່ງທາງການອິນເດຍຕ້ອງການໃຫ້ເປັນສູນກາງອຳນວຍຄວາມສະດວກຄົບວົງຈອນ ລວມທັງທຸລະກິດຄ້າຂາຍ ເພັດແຫ່ງໃຫຍ່ ໂດຍມີ ເນື້ອທີ່ ໃຊ້ຊອຍ ປະມານ 660.000 ຕາແມັດ ສາມາດຮອງຮັບນັກທຸລະກິດຄ້າ-ຂາຍເພັດ ແບບມືອາຊີບ ຫລາຍກວ່າ 65.000ຄົນ ໃນລັກສະນະ ການບໍລິການ ແບບປະຕູດຽວ (one-stop service). ອາຄານແຫ່ງນີ້ມີທັງໝົດ15ຊັ້ນ ແບ່ງອອກເປັນ ອາຄານຍ່ອຍ 9ແຫ່ງ ທີ່ເຊື່ອມຈອດກັນ ທັງໝົດ ໂດຍມີ ອາຄານໃຫຍ່ ເປັນແກນກາງ ກວມເອົາພື້ນທີ່ ປະມານ 141.640 ຕາແມັດ ໃຊ້ເວລາ ກໍ່ສ້າງ 4ປີ ສຳເລັດ ຍ້ອນຜົນກະທົບ ຈາກໂຄວິດ-19. ຊຶ່ງເປັນອາຄານ ມີພື້ນທີ່ ຕັ້ງສຳນັກງານໄດ້ ປະມານ 4.700ແຫ່ງ ແລະ ມີລິຟ ໃຫ້ບໍລິການ ທັງໝົດ131 ຈຸດ ພ້ອມດ້ວຍ ສິ່ງອຳນວຍ ຄວາມສະດວກ ອື່ນໆອີກ ຢ່າງທັນສະໄໝ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
