ສຳນັກຂ່າວ ຊິນຮວາຂອງ ສປ ຈີນ, ວັນທີ 19 ກໍລະກົດ ຜ່ານມານີ້, ອົງການສົ່ງເສີມການທ່ອງທ່ຽວ ແຫ່ງປະເທດ ຍີ່ປຸ່ນ (JNTO) ໄດ້ລາຍງານ ຕົວເລກຄາດຄະເນ ຈຳນວນນັກເດີນທາງຕ່າງປະເທດ ທີ່ເດີນທາງ ມາຢ້ຽມຢາມ ໃນໄລຍະ 6 ເດືອນຕົ້ນປີ 2023 ບັນລຸ 10,71 ລ້ານເທື່ອຄົນ, ກວມເອົາ 64,4% ເມື່ອທຽບໃສ່ປີ 2019 ກ່ອນເກີດການ ແພ່ລະບາດ ຂອງພະຍາດໂຄວິດ-19.
ຊຶ່ງຕົວເລກດັ່ງກ່າວ ສູງກວ່າຈຳນວນ ນັກເດີນທາງ ຂາເຂົ້າ ປະມານ 507.630 ເທື່ອຄົນ ໃນໄລຍະດຽວກັນຂອງປີ 2022. ໃນຂະນະທີ່ ຍີ່ປຸ່ນ ລາຍງານການຟື້ນຕົວ ຂອງຈຳນວນ ນັກເດີນທາງ ຂາເຂົ້າຢ່າງງຕໍ່ເນື່ອງ, ໂດຍລະບຸ ຈຳນວນນັກເດີນທາງ ຕ່າງປະເທດຂາເຂົ້າ ໂດຍສະເພາະ ໃນເດືອນມິຖຸນາ ບັນລຸເຖິງ 2,07 ລ້ານເທື່ອຄົນ. ລາຍງານ ຍັງໄດ້ລະບຸວ່າ ໃນຂະນະດຽວກັນ, ຈຳນວນຊາວ ຍີ່ປຸ່ນ ທີ່ເດີນທາງ ໄປຕ່າງປະເທດ ໃນໄລຍະ ເດືອນມັງກອນ ຫາເດືອນມິຖຸນາ ລວມຢູ່ທີ່ 3,61 ລ້ານເທື່ອຄົນ, ຊຶ່ງກວມເອົາ 37,9% ຂອງລະດັບ ກ່ອນເກີດການ ແພ່ລະບາດ ພະຍາດໂຄວິດ-19.
