ສຳນັກຂ່າວຊິນຮວາ ຂອງສປ ຈີນ ລາຍງານວ່າ: ກະຊວງ ແຮງງານຂອງ ສ. ເກົາຫລີ ເປີດເຜີຍວ່າ ຄະນະກຳມະການ ຄ່າແຮງງານ ຂັ້ນຕໍ່າ ຂອງປະເທດ ມີມະຕິ ປັບອັດຕາຄ່າແຮງງານ ຂັ້ນຕໍ່າ ເປັນຊົ່ວໂມງ ເພີ່ມ 2,5% ໃນປີ 2024.
ຄະນະກຳມະການ ຊຶ່ງປະກອບດ້ວຍ ສະມາຊິກ ທີ່ເປັນຜູ້ແທນ ຜົນປະໂຫຍດ ສາທາລະນະ, ທຸລະກິດ ແລະ ແຮງງານ ໄດ້ຮ່ວມກັນ ກໍານົດອັດຕາຄ່າແຮງງານ ຂັ້ນຕໍ່າເປັນຊົ່ວໂມງ ສຳລັບປີ 2024 ຢູ່ທີ 9.860 ວອນ (ສະກຸນເງິນ ສ. ເກົາຫລີ), ເພີ່ມຂຶ້ນ 2,5% ຈາກ 9.620 ວອນ ໃນປີນີ້.
