Katalyst Partners ຈັດງານເຜີຍແຜ່ຜົນສຳຫຼວດທັກສະທີ່ສຳຄັນຂຶ້ນເປັນ ຄັ້ງທຳອິດໃນ ສປປ ລາວ ເພື່ອໃຫ້ຂໍ້ມູນແກ່ລູກຄ້າ ແລະ ຄູ່ຮ່ວມທຸລະກິດ ເພື່ອນໍາສະເໜີທັກສະສຳຄັນທີ່ອົງກອນໃນ ສປປ ລາວ ຕ້ອງການຈາກທີມ ງານຂອງພວກເຂົາໃນປີ 2023 ລວມເຖິງບັນດາທັກສະທີ່ພວກເຂົາເຊື່ອວ່າ ພະນັກງານຂອງພວກເຂົາຈໍາປັນຈະຕ້ອງມີໃນອະນາຄົດ.
ການສໍາຫຼວດຄັ້ງນີ້ Katalyst Partners ໄດ້ມອບໝາຍໃຫ້ Wise Research ເປັນຜູ້ດໍາເນີນການເກັບຂໍ້ມູນເຂົ້າພົບປະໂອ້ລົມກັບບັນດາບໍລິສັດທີ່ເປັນຜູ້ຈ້າງງານ ພາຍໃນປະເທດ ເຖິງວ່າຜ່ານມາຈະມີການສຳຫຼວດໃນລັກສະ ນະດຽວກັນນີ້ໃນທົ່ວໂລກ ແຕ່ຄັ້ງນີ້ເປັນຄັ້ງທຳອິດທີ່ມີການສຳຫຼວດເປັນວົງກວ້າງໃນ ສປປ ລາວ.
ທ່ານ ໂທນີ ແຄມເບວ ຫົວໜ້າຄູເຝິກ ແລະ ຜູ້ຮ່ວມກໍ່ຕັ້ງ Katalyst Partners ກ່າວວ່າ “ຄວາມຄາດຫວັງຂອງພວກເຮົາກໍຄືການສຳຫຼວດທັກສະ ໃນ ສປປ ລາວ ປີ 2023 ນີ້ ຈະຊ່ວຍໃຫ້ອົງກອນຕ່າງໆເຂົ້າໃຈເຖິງບັນດາທັກ ສະທີ່ຈຳເປັນໃນການພັດທະນາພາຍໃນທີມ ແລະ ການຈັດລຳດັບຄວາມສຳ ຄັນໃນການວາງແຜນເຝິກອົບຮົມເພື່ອເສີມສ້າງຄວາມເຂັ້ມແຂງໃຫ້ທຸລະກິດ ເພື່ອໃຫ້ນຳໜ້າຄູ່ແຂ່ງ ເພື່ອສາມາດແຂ່ງຂັນໄດ້ພາຍໃນພາກພື້ນ ແລະ ລະດັບສາກົນ.
ທ່ານ ແກ້ວວິສຸກ ດາລາສານ ຜູ້ອໍານວຍການ ແລະ ຜູ້ຮ່ວມກໍ່ຕັ້ງ Katalyst Partners ກ່າວວ່າ “ດ້ວຍເຕັກໂນໂລຊີໃໝ່ ແລະ ວິທີການເຮັດວຽກໃໝ່ໆ ທີ່ເກີດຂຶ້ນໃນທຸກມື້ ການໃຫ້ຄວາມໃສ່ໃຈຕໍ່ການສ້າງທັກສະທີ່ເໝາະສົມ ແລະ ທັນຕໍ່ສະພາບການຈຶ່ງມີຄວາມສຳຄັນຫຼາຍກວ່າທີ່ຜ່ານມາ ຫວັງວ່າ ການສຳຫຼວດຄັ້ງນີ້ຈະຊ່ວຍໃຫ້ສະມາຊິກໃນອົງກອນຕ່າງໆ ແລະ ຜູ້ທີ່ຊອກ ວຽກຫາງານໄດ້ຮັບຂໍ້ມູນເລິກເຊິ່ງກ່ຽວກັບທັກສະຈຳເປັນທີ່ພວກເຂົາຕ້ອງພັດທະນາຫາກພວກເຂົາຢາກມີຄວາມກ້າວໜ້າ ແລະ ໝັ້ນຄົງໃນອາຊີບ ການງານ ການສຳຫຼວດຄັ້ງນີ້ໄດ້ແບ່ງທັກສະຕ່າງໆ ອອກເປັນທັກສະຂ້າມ ສາຍງານ ເຊິ່ງບາງຄັ້ງກໍຖືກເອີ້ນວ່າ ‘ທັກສະທົ່ວໄປ (soft skill) ແລະ ທັກ ສະສະເພາະດ້ານເຊິ່ງມັກຖືກເອີ້ນວ່າ ທັກສະສະເພາະ (hard skill) ທັກສະ ການສື່ສານເຊິ່ງລວມເຖິງຄວາມສາມາດໃນການສື່ສານຢ່າງມີປະສິດທິພາບດ້ວຍເຄື່ອງມື AI ເປັນຄວາມຕ້ອງການທີ່ສູງສຸດໃນກຸ່ມທັກສະທົ່ວໄປ ໂດຍທີ່ ທັກສະທາງດ້ານການຕະຫຼາດຢູ່ໃນອັນດັບຕົ້ນໆຂອງກຸ່ມທັກສະ ສະເພາະ ໜຶ່ງໃນທັກສະທີ່ຈຳເປັນສຳລັບອະນາຄົດແມ່ນທັກສະທາງດ້ານຄອມພິວເຕີ ແລະ ດິຈິຕອລ ຄວາມຮູ້ຄວາມເຂົ້າໃຈຕໍ່ກັບຂໍ້ມູນ ໝາຍວ່າຄວາມສາມາດ ໃນການອ່ານຂໍ້ມູນ ການນໍາໃຊ້ ແລະ ການວິເຄາະຂໍ້ມູນ ລວມເຖິງການ ແກ້ໄຂບັນຫາ ການຕັດສິນໃຈ ທັກສະການຂາຍ ແລະ ການຕະຫຼາດໄດ້ຮັບການຈັດລຳດັບວ່າເປັນທັກສະທີ່ສຳຄັນໃນອະນາຄົດ. ງານເຜີຍແຜ່ຜົນສຳຫຼວງຈັດຂຶ້ນໃນມື້ວັນອັງຄານທີ 18 ກໍລະກົດ 2023 ທີ່ໂຮງແຮມລາວພລາຊາ ໂດຍມີພາກສ່ວນກ່ຽວຂ້ອງເຂົ້າຮ່ວມ.
