ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ໄດ້ລົງ ພົບປະ ແລະ ເຮັດວຽກກັບຄະນະຄຸ້ມຄອງ ດ່ານສາກົນສີນຄ້າທ່າບົກທ່າ ນາແລ້ງ ໃນວັນທີ 18 ກໍລະກົດ 2023 ທີ່ບ້ານດົງໂພສີ ເມືອງຫາດຊາຍຟອງ ນະຄອນ ຫຼວງວຽງຈັນ (ນວ).
ທ່ານ ອຸດສາ ລາສະທອນ ຫົວໜ້າຄະນະຄຸ້ມຄອງ ດ່ານສາກົນສີນຄ້າທ່າບົກ ທ່ານາແລ້ງ ໄດ້ລາຍໃຫ້ຮູ້ວ່າ:ການເຄື່ອນ ໄຫວວຽກງານ ຢູ່ດ່ານສາກົນສີນຄ້າ ທ່າບົກ-ທ່ານາແລ້ງ ຄະນະຄຸ້ມຄອງດ່ານໄດ້ເອົາໃຈໃສ່ຈັດຕັ້ງປະຕິບັດຫຼາຍ ວຽກງານເປັນຕົ້ນ ໄດ້ກວດກາສິນຄ້າພືດ ສັດ ເຄື່ອງປ່າຂອງດົງ ຜະລິດຕະ ພັນໄມ້ນໍາເຂົ້າ-ສົ່ງອອກໄດ້ຫຼາຍສົມຄວນ ໃນນັ້ນ ກວດກາຜະລິດຕະພັນ ກ່ຽວກັບພືດ ແລະ ປັດໄຈການຜະລິດກະສິກໍາ ນໍ້າໜັກລວມ 10.405 ໂຕນ ລວມມູນຄ່າທັງໝົດ 3 ລ້ານກວ່າໂດລາສະຫະລັດ ກວດສິນຄ້າສົ່ງອອກ ລວມນໍ້າໜັກ 1.615 ໂຕນ ລວມມູນຄ່າ 1 ລ້ານກວ່າໂດລາ.
ຄຽງຄູ່ກັນນີ້ເຫັນວ່າການຈັດຕັ້ງປະຕິບັດວຽກງານຍັງມີຂໍ້ຫຍຸ້ງຍາກ ແລະ ຂໍ້ສະເໜີຕ່າງໆທີ່ຢາກໃຫ້ຂັ້ນເທິງຊ່ວຍແກ້ໄຂເຊັ່ນ: ສະເໜີທ່ານເຈົ້າຄອງ ຊ່ວຍຊຸກຍູ້ບໍລິສັດ ຜູ້ພັດທະນາ ກໍ່ສ້າງຕຶກອາຄານຂອງຄະນະຄຸ້ມຄອງ ດ່ານໃຫ້ສຳເລັດໂດຍໄວ ສະເໜີຂໍພາຫະນະຮັບໃຊ້ວຽກງານບໍລິຫານ ດ່ານສາ ກົນສິນຄ້າທ່າບົກທ່ານາແລ້ງ ສະເໜີຈັດເກັບລາຍຮັບວິຊາການໜ້າດ່ານ ເຊິ່ງຜ່ານມາຜົນຂອງກອງປະຊຸມເຈົ້າຄອງ-ຮອງເຈົ້າຄອງໄດ້ຕົກລົງ ໃຫ້ພະ ແນກການເງິນ ນວ ລົງມາເຮັດວຽກຮ່ວມກັນກັບດ່ານໃນການຈັດເກັບລາຍ ຮັບ ແຕ່ປັດຈຸບັນຍັງບໍ່ເຫັນພະແນກການເງິນລົງມາເທື່ອ ແລະ ບັນຫາອື່ນໆ ຈາກນັ້ນບັນດາຄະນະຕິດຕາມ ກໍໄດ້ປະກອບຄໍາເຫັນໃສ່ຈຸດທີ່ຍັງຄົງຄ້າງ ແລະ ຂອດປະສານງານກັບຂະແໜງການກ່ຽວຂ້ອງຂອງຕົນ.
ໂອກາດນີ້ທ່ານ ເຈົ້າຄອງ ນວ ໄດ້ມີຄໍາເຫັນຊີ້ນໍາບາງດ້ານ ໂດຍໃຫ້ເພີ່ມທະ ວີມາດຕະການເຂັ້ມງວດ ຕໍ່ການປະຕິບັດລະບຽບກົດໝາຍ ສໍາຄັນການປະ ຕິບັດວິໃນດ້ານການເງິນ ດ້ານການປະຕິບັດໜ້າທີ່ຂອງເຈົ້າໜ້າທີ່ລັດທີ່ປະ ຈຳການຢູ່ດ່ານ ປັບປຸງກົນໄກໃຫ້ມີຄວາມເຂັ້ມແຂງຂຶ້ນກວ່າເກົ່າ ຕ້ອງມີ ການເຂັ້ມງວດກວດກາ ເຮັດແນວໃດຈະຫຼີກເວັ້ນສິ່ງເສບຕິດຜິດກົດໝາຍ ການລັກລອບ ການຂົນສົ່ງຄ້າຂາຍຢາເສບຕິດ ເຊີ່ງວາລະແຫ່ງຊາດໄດ້ກຳ ນົດແລ້ວ ນອກນີ້ໃຫ້ເອົາໃຈໃສ່ເພີ່ມທະວີການພົວພັນຮ່ວມມື ແລະ ຖອດ ຖອນບົດຮຽນ ກັບບັນດາພາກສ່ວນທີ່ກ່ຽວຂ້ອງຢ່າງເປັນປົກະຕິ ແລະ ບັນ ດາດ່ານທີ່ມີຊາຍແດນຕິດກັບປະເທດບ້ານໃກ້ເຮືອນຄຽງ ເພື່ອຍາດແຍ່ງ ເອົາການຊ່ວຍເຫຼືອດ້ານທຶນຮອນ ແລະ ເຕັກນິກວິຊາການຕ່າງໆ ເຂົ້າມາ ພັດທະນາ ນວ ກໍຄືພັດທະນາດ່ານຂອງຕົນເອງ ພ້ອມນັ້ນ ໃຫ້ເອົາໃຈໃສ່ ເພີ່ມທະວີຂອດການປະສານງານ ກັບພາກສ່ວນຂະແໜງການທີ່ກ່ຽວຂ້ອງ ໃຫ້ກົມກ່ຽວສອດຄ່ອງ ແລະ ເປັນເອກະພາບ ກວ່າເກົ່າໃນການຄຸ້ມຄອງ ຕິດຕາມ ການຈັດຕັ້ງປະຕິບັດໃຫ້ຖືກຕ້ອງຕາມລະບຽບກົດໝາຍ ແລະ ສະຫຼຸບລາຍງານໃຫ້ລະອຽດຄົບຖ້ວນ ຊັດເຈນ ຕາມກຳນົດເວລາ.
