ແຫລ່ງຂ່າວຈາກ ແຂວງຫລວງນໍ້າທາ ໃຫ້ຮູ້ວ່າ: ວັນທີ 18 ກໍລະກົດ 2023 ນີ້, ຫ້ອງວ່າການເມືອງສິງ ຈັດສ້າງຂະບວນການອອກແຮງງານລວມ ຢູ່ເດີນຫ້ອງວ່າເມືອງ ເພື່ອເຊີນຊວນພໍ່ແມ່ປະຊາຊົນພາຍໃນເມືອງ ຮ່ວມແຮງຮ່ວມໃຈຕ້ານໄຂ້ຍຸງລາຍ ໂດຍມີ ທ່ານ ຄໍາຜາຍ ສຸລິຂັນ ປະທານກວດກາພັກ, ຫົວໜ້າອົງການກວດກາລັດເມືອງສິງ, ມີ ທ່ານ ນາງ ຈັນຖະໜອມ ພົມມະນີ ຫົວໜ້າຫ້ອງການສາທາລະນະສຸກເມືອງ, ມີຫົວໜ້າ-ຮອງຫ້ອງການ, ພະນັກງານລັດຖະກອນ ແລະ ນາຍບ້ານ 7 ບ້ານເທສະບານເມືອງ ເຂົ້າຮ່ວມ.
ໂອກາດນີ້, ທ່ານ ຄໍາຜາຍ ສຸລິຂັນ ໄດ້ມີຄໍາເຫັນເປີດພິທີຄັ້ງນີ້ວ່າ: ພະຍາດໄຂ້ຍຸງລາຍ ມັກເກີດຂຶ້ນໃນແຕ່ລະປີ ແລະ ເຫັນວ່າມີຈໍານວນເຈັບເປັນສູງພໍສົມຄວນ ເຊີ່ງເກີດຂຶ້ນໃນໄລຍະລະດູຝົນ ເລີ່ມແຕ່ເດືອນພຶດສະພາ ຫາເດືອນສິງຫາ, ແຕ່ມາໃນປັດຈຸບັນເຫັນວ່າ ສະພາບອາກາດມີການປ່ຽນແປງເຮັດໃຫ້ຝົນຕົກບໍ່ຖືກຕາມລະດູການ ຈຶ່ງເປັນສາເຫດໜຶ່ງທີ່ເຮັດໃຫ້ມີການແພ່ພັນຂອງຍຸງລາຍເພີ່ມຂຶ້ນ ແລະ ມັກເກີດຂຶ້ນໃນຊຸມຊົນຫລາຍ, ຖ້າຍຸງລາຍໄປກັດຄົນທີ່ມີເຊື້ອໄຂ້ຍຸງລາຍ ມັນຈະຂະຫຍາຍຕົວຢູ່ໃນຍຸງ, ເມື່ອຍຸງໂຕດັ່ງກ່າວໄປກັດຄົນອື່ນໆ ແລ້ວຈະສົ່ງເຊື້ອພະຍາດໄຂ້ຍຸງລາຍໃສ່ຄົນຕໍ່ໄປ. ນັບແຕ່ວັນທີ 1 ມັງກອນ 2023 ຮອດວັນທີ 17 ກໍລະກົດ 2023, ທົ່ວແຂວງຫລວງນໍ້າທາ ມີກໍລະນີຄົນເຈັບທີ່ເປັນພະຍາດໄຂ້ຍຸງລາຍ 297 ກໍລະນີ, ສະເພາະຢູ່ເມືອງສິງ 34 ກໍລະນີ.
ໂອກາດນີ້, ທ່ານ ຄໍາຜາຍ ສຸລິຂັນ ໄດ້ມີຄໍາເຫັນເປີດພິທີຄັ້ງນີ້ວ່າ: ພະຍາດໄຂ້ຍຸງລາຍ ມັກເກີດຂຶ້ນໃນແຕ່ລະປີ ແລະ ເຫັນວ່າມີຈໍານວນເຈັບເປັນສູງພໍສົມຄວນ ເຊີ່ງເກີດຂຶ້ນໃນໄລຍະລະດູຝົນ ເລີ່ມແຕ່ເດືອນພຶດສະພາ ຫາເດືອນສິງຫາ, ແຕ່ມາໃນປັດຈຸບັນເຫັນວ່າ ສະພາບອາກາດມີການປ່ຽນແປງເຮັດໃຫ້ຝົນຕົກບໍ່ຖືກຕາມລະດູການ ຈຶ່ງເປັນສາເຫດໜຶ່ງທີ່ເຮັດໃຫ້ມີການແພ່ພັນຂອງຍຸງລາຍເພີ່ມຂຶ້ນ ແລະ ມັກເກີດຂຶ້ນໃນຊຸມຊົນຫລາຍ, ຖ້າຍຸງລາຍໄປກັດຄົນທີ່ມີເຊື້ອໄຂ້ຍຸງລາຍ ມັນຈະຂະຫຍາຍຕົວຢູ່ໃນຍຸງ, ເມື່ອຍຸງໂຕດັ່ງກ່າວໄປກັດຄົນອື່ນໆ ແລ້ວຈະສົ່ງເຊື້ອພະຍາດໄຂ້ຍຸງລາຍໃສ່ຄົນຕໍ່ໄປ. ນັບແຕ່ວັນທີ 1 ມັງກອນ 2023 ຮອດວັນທີ 17 ກໍລະກົດ 2023, ທົ່ວແຂວງຫລວງນໍ້າທາ ມີກໍລະນີຄົນເຈັບທີ່ເປັນພະຍາດໄຂ້ຍຸງລາຍ 297 ກໍລະນີ, ສະເພາະຢູ່ເມືອງສິງ 34 ກໍລະນີ.
ໃນກິດຈະກຳຄັ້ງນີ້, ຜູ້ເຂົ້າຮ່ວມທຸກພາກສ່ວນ ໄດ້ເດີນຂະບວນພ້ອມກັນທໍາລາຍແຫລ່ງເພາະພັນຍຸງລາຍ ໂດຍການເກັບຂີ້ເຫຍື້ອ, ກະໂປະກະປອງ ແລະ ຖາງຫຍ້າ ລຽບຕາມເສັນທາງເທສະບານ ເມືອງ ຢ່າງເປັນຂະບວນຟົດຟື້ນ. ທັງນີ້, ກໍເພື່ອເປັນການຮ່ວມແຮງຮ່ວມໃຈກັນຕ້ານ ແລະ ທໍາລາຍແຫລ່ງເພາະພັນຂອງຍຸງລາຍ ໂດຍປະຕິບັດ 5ປ ທີ່ກະຊວງສາທາລະນະສຸກ ວາງອອກໃຫ້ປະກົດຜົນເປັນຂິງ.
ຂ່າວ: ກິ່ງແກ້ວ ເສົາຈັນຖາ
