ເມື່ອບໍ່ດົນມານີ້, ທີ່ຫ້ອງການແຮງງານ ແລະ ສະຫັວດການ-ສັງຄົມ (ຮສສ) ເມືອງງອຍ ແຂວງຫຼວງພະບາງ ໄດ້ຈັດພິທີມອບ-ຮັບສັງກະສີ ຈໍານວນ 500 ແຜ່ນ, ໂດຍການຊ່ວຍເຫຼືອຂອງຄອບຄົວ ທ່ານ ສົມສະ ຫວາດ ເລັ່ງສະຫັວດ ອະດີດຮອງນາຍົກຖະມົນຕີ, ມີທ່ານ ບຸນເມືອງ ໄຊຍະສິດ ເຈົ້າເມືອງໆງອຍ ພ້ອມດ້ວຍການນໍາເມືອງ ແລະ ຂະແໜງການກ່ຽວຂ້ອງເຂົ້າຮ່ວມເປັນສັກຂີພິຍານ.
ສັງກະສີ ທີ່ນຳມາມອບໃນຄັ້ງນີ້, ເພື່ອຊ່ວຍເຫຼືອບັນດາຄອບຄົວທີ່ທຸກຍາກ ແລະ ຄອບຄົວທີ່ໄດ້ຮັບຜົນກະ ທົບຈາກໄພທໍາມະຊາດ ຊຶ່ງມີສັງກະສີ ຈໍານວນ 500 ແຜ່ນ, ລວມມູນຄ່າ 17.500.000 ກີບ, ໃຫ້ກຽດມອບໂດຍທ່ານ ສົມສະຫວາດ ເລັ່ງສະຫວັດ ແລະ ກ່າວຮັບໂດຍ ທ່ານ ບຸນເມືອງ ໄຊຍະສິດ.
ໂອກາດດັ່ງກ່າວ, ທ່ານເຈົ້າເຈົ້າເມືອງໆງອຍ ໄດ້ກ່າວສະແດງຄວາມຂອບໃຈ ແລະ ຮູ້ບູນຄຸນຢ່າງສູງຕໍ່ທ່ານ ສົມສະຫວາດ ເລັ່ງສະຫວັດ ທີ່ໄດ້ແບ່ງປັນນໍ້າໃຈໃຫ້ແກ່ອົງການປົກຄອງເມືອງງອຍໃນຄັ້ງນີ້ ແລະ ສັນຍາວ່າຈະນໍາເອົາສັງກະສີດັ່ງກ່າວໄປແຈກຢາຍໃຫ້ປະຊາຊົນ ເພື່ອເຮັດໃຫ້ຊີວີດການເປັນຢູ່ຂອງເຂົາເຈົ້ານັບມື້ດີຂຶ້ນເປັນກ້າວໆ. ພ້ອມນີ້ໄດ້ມີການມອບໃບຍ້ອງຍໍຂອງທ່ານເຈົ້າເມືອງໃຫ້ກັບ ທ່ານ ສົມສະຫວາດ ເລັ່ງສະຫວັດ ຕື່ມອີກ.
ຂ່າວ-ພາບ: ວືຢ່າງ ໄຊລີຈືເຢ
