ປັດຈຸບັນປະຕິເສດບໍ່ໄດ້ວ່າ ຢາພື້ນເມືອງລາວ ທີ່ປຸງແຕ່ງແລະ ຜະລິດໂດຍຄົນລາວເຮົາ ກໍາລັງໄດ້ຮັບຄວາມນິຍົມທັງພາຍໃນ ແລະ ຕ່າງປະເທດ ດ້ວຍສັບພະຄຸນສາມາດຕອບໂຈດ ກັບຄວາມຕ້ອງການຂອງສັງຄົມ ໃນການປິ່ນປົວພະຍາດຕ່າງໆ ໂດຍບໍ່ມີຜົນຂ້າງຄຽງ ເພາະເຮັດດ້ວຍວັັດຖຸດິບທໍາມະຊາດ ປັດສະ ຈາກສານເຄມີ ແຕ່ດີຕໍ່ສຸຂະພາບ.ດັ່ງນັ້ນ, ຈຶ່ງເຮັດໃຫ້ຢາພື້ນເມືອງລາວ ມີຊື່ສຽງໂດ່ງດັງ ນີ້ເໝືອນກັບ ຢາພື້ນເມືອງລາວ ກະທິງທອງ ເປັນອີກໜຶ່ງຜະລິດຕະພັນ ຢາພື້ນເມືອງຂອງລາວ ທີ່ຄອງໃຈຜູ້ບໍລິໂພກ.

ນາງ ວິໄລວັນ ຈັນທະວົງ ປະຊາຊົນບ້ານ ໂພນສະຫວາດ ເມືອງຈັນທະບູລີ ນະຄອນຫລວງວຽງຈັນເວົ້າສູ່ຟັງ ໃນໂອກາດນໍາເອົາຜະລິດຕະພັນ ມາວາງສະແດງ ໃນງານ ວາງສະແດງເຄື່ອງເຮືອນລາວ ປີ2023 ທີ່ສູນການຄ້າ ລາວໄອເຕັກ (ຕຶກເກົ່າ)ໃນອາທິດຜ່ານມາວ່າ:  ຜະລິດຕະພັນ ກະທິງທອງ ຜະລິດອອກມາ ແລະ ຈໍາໜ່າຍ ຫລາຍກວ່າ 20 ປີຜ່ານມາ ປັດຈຸບັນມີຜະລິດຕະພັນກວ່າ 200 ຊະນິດ ໂດຍແຕ່ລະຊະນິດແມ່ນ ຜະລິດຈາກຢາພື້ນເມືອງລາວ ທີ່ປູກເອງ ແລະ ບາງຊະນິດກໍຮັບຊື້ ຈາກປະຊາຊົນ ເປັນຕົ້ນ ແມ່ນຂິງ , ຮາກໄມ້ທໍາມະຊາດ ທີ່ມາເຮັດເປັນ ນໍ້າໝັກ ເພື່ອນໍາມາປຸງແຕ່ງແປຮູບ ເປັນຜະລິດຕະພັນຢາພື້ນເມືອງ ກະທິງທອງ  ເຊັ່ນ: ຂິງຝຸ່ນປະສົມນໍ້າເຜີ້ງ, ງາຂາວອົບແຫ້ງ, ຊາໝາກຂາມປ້ອມ, ງາດໍາບົດ, ໃບໝາກຕໍາແຍ່ອົບແຫ້ງ, ນໍ້າມັນງາຂາວ,ນໍ້າໝັກໝາກຂາມປ້ອມ, ໝາກຍໍ ແລະອຶ່ໆອີກຫລາຍໆຊະນິດ ແລະ ແຕ່ລະຊະນິດກໍ່ ສາມາດຕອບໂຈດຄວາມຕ້ອງການ ຂອງຜູ້ບໍລິໂພກໄດ້ທັງພາຍໃນ ແລະ ຕ່າງປະເທດ ໂດຍສະເພາະ ຈີນ, ເກົາຫລີ , ຍີ່ປຸ່ນ ຈະນິຍົມປະເພດ ງາດໍາ, ງາຂາວອົບແຫ້ງແລະປະເພດຊາຕ່າງໆ ທີ່ມີຍອດການສັ່ງຊື້ເພີ່ມຂຶ້ນເລື້ອຍໆຈຶ່ງເຮັດ ຜະລິດຕະພັນກາກະທິງທອງເຕີບໃຫຍ່ຂະຫຍາຍຕົວຢ່າງກວ້າງຂວາງ.

ນາງ ວິໄລວັນ ເວົ້າຕື່ມວ່າ: ການເຂົ້າຮ່ວມການ ວາງສະແດງເຄື່ອງເຮືອນລາວ 2023  ເຫັນວ່າບັນຍາກາດບໍ່ຄຶກຄື້ນປານໃດ ໃນແຕ່ລະມື້ມວນຊົນມາທ່ຽວງານກໍ່ບໍ່ຫລາຍປານໃດ ຈຶ່ງເຮັດໃຫ້ການຂາຍສິນຄ້າໃນງານຄັ້ງນີ້ ມີບັນຍາດກາດງຽບກວ່າປົກກະຕິ ຍ້ອນສະພາບເສດຖະກິດໃນປັດຈຸບັນສະນັ້ນ, ຈຶ່ງຢາກ ສະເໜີ ພັກ-ລັດ  ແກ້ໄຂບັນຫາດັ່ງກ່າວ ເພື່ອເຮັດໃຫ້ສະພາບເສດຖະກິດຂອງປະເທດເຮົາກັບມາມີບັນຍາກາດຟົດຟື້ນຄືເກົ່າ.

ປັດຈຸບັນ ຢາພື້ນເມືອງກາກະທິງທອງ ມີຜະລິດຕະພັນ 200 ກວ່າຊະນິດ ຖ້າຫາກທ່ານໃດສົນໃຈ ກໍ່ສາມາດ ຕິດຕໍ່ສອບຖາມ ໄດ້ທີເບີ 020 99503067.