ຕາມຂ່າວຈາກວິທະຍຸສາກົນຫວຽດນາມ, ກອງປະຊຸມສຸດຍອດສະຫະພາບເອີຣົບ (EU)-ປະຊາຄົມບັນດາປະເທດ ອາເມລິກາລາຕິນ ແລະ ກາຣີເບ (CELAC) ຄັ້ງທີ 3 ຖືກໄຂຂຶ້ນຢູ່ປະເທດແບນຊິກ ນັບແຕ່ ວັນທີ17-18 ກໍລະກົດນີ້ ໂດຍມີ ຫລາຍຫົວຂໍ້ ເພື່ອເພີ່ມທະວີ ການພົວພັນ ຄູ່ຮ່ວມມື EU–CELAC, ລວມມີ: ເພີ່ມທະວີການຮ່ວມມືໃນບັນດາເວທີປາໄສ ຫລາຍຝ່າຍ, ສັນຕິພາບ ແລະ ສະຖຽນລະພາບໃນພາກພື້ນ, ການຄ້າ ແລະ ການລົງທຶນ, ການຟື້ນຟູເສດຖະກິດ, ມານະພະຍາຍາມຕ້ານການປ່ຽນແປງຂອງດິນຟ້າອາກາດ, ຄົ້ນຄວ້າ ແລະ ປ່ຽນແປງໃໝ່, ຍຸຕິທຳ ແລະ ຮັກສາຄວາມສະຫງົບ ໃຫ້ແກ່ ພົນລະເມືອງ. ພາຍຫລັງ ໄດ້ສ້າງຕັ້ງຂຶ້ນ ໃນປີ 2010, CELAC ແມ່ນປະຊາຄົມ ລວມມີ 33 ປະເທດ ອາເມລິກາ ລາຕິນ ແລະ ກາຣີເບ ດ້ວຍຈຸດປະສົງເຊື່ອມຕໍ່ບັນດາປະເທດນີ້ ນຳກັນເພື່ອເພີ່ມທະວີການເຈລະຈາດ້ານການເມືອງ ແລະ ເຊື່ອມໂຍງ ວັດທະນະທຳສັງຄົມຂອງພາກພື້ນ, ປັບປຸງຄຸນນະພາບຊີວິດການເປັນຢູ່ຂອງປະຊາຊົນ, ກະຕຸ້ນການເຕີບໂຕເສດຖະກິດ ແລະ ຍົກສູງສະຫວັດດີການ-ສັງຄົມ ຂອງທົ່ວປວງ ຊົນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
