ສ.ເກົາຫລີ ເພີ່ມຄວາມຊ່ວຍເຫລືອ ດ້ານມະນຸດສະທຳ ໃຫ້ອູແກຣນ 150 ລ້ານໂດລາ

ສຳນັກຂ່າວຕ່າງປະເທດ ລາຍງານຈາກນະຄອນຫລວງຄິຟ ປະເທດອູແກຣນ ເມື່ອວັນທີ 16 ກໍລະກົດວ່າ: ປະທານາທິບໍດີໂວໂລດີເມຍ ເຊເລນສກີ ຂອງ ອູແກຣນ ພ້ອມດ້ວຍ ພັນລະນາ ທ່ານນາງ ໂອເລນາ ເຊເລນສະກາ ໄດ້ ຕ້ອນຮັບ ປະທານາທິບໍດີ ຢຸນ ຊອກ-ຢໍ ຂອງ ສ.ເກົາຫລີ ພ້ອມດ້ວຍພັນລະຍາ ທ່ານນາງ ຄີມ ຄອນ-ຮີ ທີ່ ທຳນຽມໃນນະຄອນຫລວງ ຄິຟ . ໂດຍຜູ້ນໍາ ສ.ເກົາຫລີ ໄດ້ປະກາດ ເພີ່ມຄວາມຊ່ວຍເຫລືອ ດ້ານມະນຸດສະທຳ ໃຫ້ແກ່ ອູແກຣນ ຈາກ 100 ລ້ານໂດລາ ສະຫະລັດ ເມືອ່ປີກາຍ ຂື້ນເປັນ 150 ລ້ານໂດລາ ສະຫະລັດ ໃນປີນີ້. ໃນຂະນະທີ່ ທ່ານ ເຊເລນສກີ ໄດ້ສະແດງ ຄວາມຂອບໃຈ ສຳລັບ ການສະໜັບ ສະໜູນ ຈາກ ສ.ເກົາຫລີ ຕະຫລອດ ໄລຍະ ເວລາ ຜ່ານມາ ຊຶ່ງ ລວມເຖິງ ເຄື່ອງມື ການແພດແລະອື່ນໆ.