ແຫລ່ງຂ່າວຈາກ ແຂວງບໍ່ແກ້ວ ໃຫ້ຮູ້ວ່າ: ວັນທີ 17 ກໍລະກົດ 2023 ນີ້, ບໍລິສັດເພັດອາລຸນ ຮ່ວມກັບ ສະມາຄົມລົດຕູ້ຮັບເໝົາຂົນສົ່ງໂດຍສານ ແຂວງບໍ່ແກ້ວ ເປີດຈຸດບໍລິການລົດຕູ້ຂົນສົ່ງໂດຍສານ ປະຈຳທາງ ແລະ ບໍ່ປະຈຳທາງ ທັງພາຍໃນແຂວງບໍ່ແກ້ວ ແລະ ຕ່າງແຂວງ ຢູ່ກົງກັນຂ້າມກັບ ສະຖານຂົນສົ່ງລົດໂດຍສານ ເພັດອາລຸນ ບ້ານປາກຮາວເໝືອ ເມືອງຫ້ວຍຊາຍ ແຂວງບໍ່ແກ້ວ ໂດຍມີທ່ານ ລຳໄພ ພົງທະຈັກ ຮອງຫົວໜ້າ ພະແນກໂຍທາທິການ ແລະ ຂົນສົ່ງ ແຂວງບໍ່ແກ້ວ, ທ່ານ ນາງ ສາຄອນ ພົມປັນຍາ ຮອງປະທານບໍລິສັດເພັດອາລຸນ, ມີພາກສ່ວນກ່ຽວຂ້ອງ ເຂົ້າຮ່ວມ.
ຈຸດບໍລິການລົດຕູ້ຂົນສົ່ງໂດຍສານ ປະຈຳທາງ ແລະ ບໍ່ປະຈຳທາງ ທັງພາຍໃນແຂວງບໍ່ແກ້ວ ແລະ ຕ່າງແຂວງ ໄດ້ໃຫ້ບໍລິການທຸກໆ ໂດຍມີສາຍທາງຈາກຫ້ວຍຊາຍ ຫາ ແຂວງຫລວງນໍ້າທາ ມີຖ້ຽວ 07:00 ໂມງ ແລະ 17:00 ໂມງ, ລາຄາປີ້ລົດ 150.000 ກີບ; ສາຍທາງຈາກຫ້ວຍຊາຍ ຫາ ສະໜາມບິນແຂວງຫລວງນໍ້າທາ ມີຖ້ຽວ 07:00 ໂມງ ແລະ 09:00 ໂມງ, ລາຄາປີ້ລົດ 150.000 ກີບ; ສາຍທາງຈາກຫ້ວຍຊາຍ ຫາ ສະຖານີລົດໄຟນາເຕີຍ ມີຖ້ຽວ 07:00 ໂມງ ແລະ 10:30 ໂມງ, ລາຄາປີ້ລົດ 200.000 ກີບ; ສາຍທາງຈາກຫ້ວຍຊາຍ ຫາ ບໍ່ເຕ່ນ ມີຖ້ຽວ 07:00 ໂມງ ແລະ 12:30 ໂມງ, ລາຄາປີ້ລົດ 300.000 ກີບ; ສາຍທາງຈາກຫ້ວຍຊາຍ ຫາ ເມືອງຕົ້ນເຜິ້ງ ມີຖ້ຽວ 07:00 ໂມງ ແລະ 17:00 ໂມງ, ລາຄາປີ້ລົດ 100.000 ກີບ. ນອກນີ້, ຍັງມີບໍລິການພິເສດຂົນສົ່ງໂດຍສານ ປະຈຳທາງ ແລະ ບໍ່ປະຈຳທາງ ແບບເໜົາຄັນ ສາມາດບໍລິການໄດ້ຕະຫລອດ 24 ຊົ່ວໂມງ.
ປັດຈຸບັນ, ສະມາຄົມລົດຕູ້ຮັບ ເໝົາຂົນສົ່ງໂດຍສານ ແຂວງບໍ່ແກ້ວ ມີລົດຕູ້ລົດຕູ້ຂົນສົ່ງໂດຍ ສານ 100 ກວ່າຄັນໄວ້ບໍລິການ.
ຂ່າວ: ສາຍສະໝອນ ແກ້ວວິສິດ
