ກອງປະຊຸມຄົບຄະນະກາງສະໄໝຂອງ ຄະນະບໍລິຫານງານພັກກະຊວງແຮງງານ ແລະ ສະຫວັດດີການສັງຄົມ (ຮສສ) ສະໄໝທີ 6 ໄດ້ສຳເລັດລົງໃນວັນທີ 14 ກໍລະກົດ ຜ່ານມາ ໂດຍໃຫ້ກຽດເຂົ້າຮ່ວມຂອງ ສະຫາຍ ນາງ ສີໃສ ລືເດດມູນສອນ ກຳມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງ, ໂດຍການເປັນປະທານ ຂອງ ສະຫາຍ ນາງ ໃບຄຳ ຂັດທິຍະ ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ມີບັນດາຄະນະພັກ ແລະ ສະມາຊິກພັກ ເຂົ້າຮ່ວມ.
ສະຫາຍ ນາງ ໃບຄຳ ຂັດທິຍະ ໄດ້ລາຍງານຜົນການດຳເນີນຊີວິດການເມືອງ ພາຍໃນຄະນະບໍລິຫານງານພັກໃນແຕ່ລະບາດກ້າວ ລວມເຖິງຜົນການທາບທາມຄວາມໄວ້ວວາງໃຈຕໍ່ການນຳພາລວມ ແລະ ບຸກຄົນ ໃນຄະນະບໍລິຫານງານພັກ ຮສສ ຊຶ່ງເຫັນໄດ້ວ່າ ຄະນະບໍລິຫານງານພັກ ຍັງສືສຶບຕໍ່ໄດ້ຄວາມໄວ້ວາງໃຈຈາກບັນດາສະມາຊິກພັກ.
ໂອກາດນີ້, ສະຫາຍ ນາງ ສີໃສ ລືເດດມູນສອນ ກໍໄດ້ໃຫ້ທິດຊີ້ນໍາຕໍ່ກອງປະຊຸມຫລາຍບັນກາສຳຄັນ ໂດຍສະເພາະ ໃຫ້ສືບຕໍ່ເອົາໃຈໃສ່ໃນການສຶກສາອົບຮົມ ການເມືອງ-ແນວຄິດ ຂອງສະມາຊິກພັກ-ພະນັກງານຢ່າງແຂງແຮງ ເພື່ອສ້າງຄວາມເຂົ້າໃຈທີ່ຖຶກຕ້ອງ, ເປັນເອກະພາບສູງຕໍ່ແນວທາງນະໂຍ ບາຍ, ມະຕິ, ຄໍາສັ່ງ, ກົດລະບຽບພັກ, ກົດໝາຍ ແລະ ລະບຽບການຂອງລັດ ເພື່ອຍົກສູງບົດບາດການ ນໍາພາ ແລະ ຄວາມເປັນແບບຢ່າງນໍາໜ້າຂອງຄະນະພັກແຕ່ລະຂັ້ນ; ເອົາໃຈໃສ່ໃນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ເພື່ອກໍ່ສ້າງປັບປຸງຕົນເອງ ແລະ ການຈັດຕັ້ງໃຫ້ມີຄວາມເຂັ້ມແຂງ, ຕິດພັນກັບການຈັດຕັ້ງປະຕິບັດຂໍ້ແຂ່ງຂັນຮັກຊາດ ແລະ ພັດທະນາແນໃສ່ໃນການຍ້ອງຍໍສົ່ງເສີມຄົນດີ, ຄົນເກັ່ງເພື່ອພ້ອມກັນກ້າວໜ້າ ແລະ ຍົກບົດບາດການນໍາພາໃຫ້ມີຄວາມເຂັ້ມແຂງ; ຕັ້ງໜ້າປັບປຸງແບບແຜນກົນໄກເປັນອຸປະສັກ ແລະ ກົດໜ່ວງການພັດທະນາວຽກງານ ແລະ ການເຄື່ອນໄຫວ, ສັບຊ້ອນຈັດວາງຕໍາແໜ່ງງານພາຍໃນແຕ່ລະຂົງເຂດ ໃຫ້ມີຄວາມສອດຄ່ອງເໝາະສົມ ຕາມຄວາມຕ້ອງ ການຂອງແຕ່ລະຂົງເຂດວຽກງານ ແລະ ຄວາມຮູ້ຄວາມສາມາດຕົວຈິງຂອງສະມາຊິກພັກ-ພະນັກງານຮັບປະກັນໃນການຈັດຕັ້ງປະຕິບັດມະຕິຂອງກອງປະຊຸມໃຫຍ່ອົງຄະນະພັກກະຊວງ ແລະ ແຜນພັດທະ ນາວຽກງານແຮງງານ ແລະ ສະຫວັດດີການສັງຄົມ ໃຫ້ມີຜົນສໍາເລັດ.
ເອົາໃຈໃສ່ເພີ່ມທະວີ ແລະ ລົງເລິກຊີ້ນໍາ 3 ອົງການຈັດຕັ້ງມະຫາຊົນ ໃຫ້ເຄື່ອນໄຫວຕາມພາລະບົດບາດຂອງຕົນ ໂດຍສະເພາະການສ້າງກິດຈະກໍາການເຄື່ອນໄຫວ ແລະ ຂະບວນການຕ່າງໆ ໃຫ້ເປັນຮູບປະທໍາ ແລະ ໃຫ້ກາຍເປັນກໍາລັງແຮງໃນການຈັດຕັ້ງປະຕິບັດຫນ້າທີ່ການ ເມືອງຂອງອົງຄະນະພັກກະຊວງ ໃຫ້ມີຜົນສໍາເລັດ, ເພີ່ມທະວີ ການປັບປຸງແບບແຜນການນໍາພາ ແລະ ວິທີເຮັດວຽກຕາມ 5 ຫລັກການ ແລະ 3 ທິດນໍາຂອງພັກ, ເຮັດວຽກຕ້ອງໄປຕາມຫລັກການລວມສູນປະຊາທິປະໄຕ, ເພື່ອຖອດຖອນບົດຮຽນເຊິ່ງກັນ ແລະ ກັນ; ເຕົ້າໂຮມຄວາມສາມັກຄີ ໃຫ້ເປັນປຶກແຜ່ນໃນທຸກດ້ານໃຫ້ມີຜົນສໍາເລັດ ແລະ ເພີ່ມທະວີມຄອງລະບຽບວິໄນ ຢູ່ພາຍໃນການຈັດຕັ້ງຂອງອົງຄະນະພັກ ຕິດພັນກັບການສະກັດກັ້ນ, ຕີຖອຍບັນດາປະກົດການຫຍໍ້ທໍ້ ໄປຄຽງຄູ່ກັບການກໍ່ສ້າງຍົກລະດັບຄວາມຮູ້, ຄວາມສາມາດ ໃຫ້ຖັນແຖວສະມາຊິກພັກ-ພະ ນັກງານ ເພື່ອເປັນຂໍກຸນແຈໃຫ້ແກ່ ໃນການເຄື່ອນໄຫວຈັດຕັ້ງປະຕິບັດໜ້າທີ່ການເມືອງ ຢ່າງເປັນລະບົບຕໍ່ເນື່ອງ ແລະ ມີຜົນສໍາເລັດ.
ຂໍ້ມູນ-ພາບ: ຂ່າວສານ ຮສສ
