ສູນວັດທະນະທໍາຈີນ ປະຈໍາ ສປປ ລາວ ຈັດເທສະການສາລະຄະດີຈີນຫົວຂໍ້ “ໜຶ່ງແລວ ໜຶ່ງເສັ້ນທາງ” ແລະ ພິທີເປີດຫ້ອງຮຽນພາສາຈີນ HSK1 ຊຸດທີ 7 ເພື່ອສະເຫລີມສະຫລອງຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ຄົບຮອບ 10 ປີ. ສະເພາະຢູ່ສູວັກທະນະທຳແມ່ນ ໄດ້ສາຍສາລະຄະດີຕອນ “ທາງລົດໄຟລາວ-ຈີນ” ໂດຍໄດ້ຕິດຕາມເລື່ອງລາວຂອງຕົວລະຄອນໃນການກໍ່ສ້າງເສັ້ນທາງລົດໄຟລາວ-ຈີນ, ໃນວິດີໂອໄດ້ເລົ່າເຖິງວິທີການສ້າງໂຄງການຂະໜາດໃຫຍ່ ຂອງທາງລົດໄຟລາວ-ຈີນ ແລະ ຄວາມຫຍຸ້ງຍາກທີ່ເກີດຂຶ້ນໃນໄລຍະກໍ່ສ້າງ, ເນັ້ນໃສ່ການສະທ້ອນເຖິງອິດທິພົນ ແລະ ຄວາມສໍາຄັນໃນການກໍ່ສ້າງຂອງໂຄງການນີ້.
ກະຊວງວັດທະນະທະ ແລະ ທ່ອງທ່ຽວ, ກະຊວງການຕ່າງປະເທດ, ສະຖານີວິທະຍຸກະຈາຍສຽງ ແລະ ໂທລະພາບສູນກາງຈີນ ຮ່ວມກັນຈັດກິດຈະກຳ “ເທລະການສາລະຄະດີຈີນ” ຫົວຂໍ້ “ໜຶ່ງແລວ ໜຶ່ງເສັ້ນທາງ ຂື້ນໃນເດືອນ ກຸມພາ ແລະ ຈະດຳເນີນໄປເຖິງທ້າຍປີ 2023 ໂດຍມີສາລະຄະດີກວ່າ 50 ເລື່ອງທີ່ໄດ້ຮັບການຄັດເລືອກ ແລະ ຈະຖືກສາຍໂປທົ່ວໂລກ.
ທ່ານ ນາງ ສົມສະນຸກ ພັນທະວົງ, ສິດເກົ່າໂຮງຮຽນ “67” ແຂວງກວາງຊີ ໄດ້ຕາງໜ້ານັກຮຽນໃໝ່ໃນຫ້ອງຮຽນພາສາຈີນ HSK1 ຊຸດທີ 7 ກ່າວວ່: ພາສາຈີນແມ່ນໜຶ່ງ ໃນພາສາທີ່ມີການນຳໃຊ້ຢ່າງກວ້າງຂວາງໃນທົ່ວໂລກ ແລະ ຍັງເປັນທີ່ນິຍົມຫລາຍໃນປະເທດລາວ. ຂ້າພະເຈົ້າຮູ້ສຶກເປັນກຽດຢ່າງຍິ່ງ ທີ່ໄດ້ມີໂອກາດຮຽນພາສາຈີນ ຢູ່ສູນວັດທະນະທໍາຈີນ ປະຈໍາ ສປປ ລາວ, ໃນນາມຕົວແທນຂອງນັກສຶກສາທຸກຄົນ, ຂ້າພະເຈົ້າຈະພະຍາຍາມຕັ້ງໃຈຮຽນພາສາຈີນໃຫ້ດີ ແລະ ປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີການແລກປ່ຽນວັດທະນະທໍລະຫວ່າງລາວ-ຈີນ ແລະ ຮັດແໜ້ນມິດຕະພາບລະຫວ່າງສອງປະເທດ.
ໂອກາດນີ້, ທ່ານ ນາງ ຫລີຢີ່ຜິງ ຫົວໜ້າ ສູນວັດທະນະທໍາຈີນ ປະຈໍາ ລາວ ໄດ້ມອບຂອງທີ່ລະນຶກດ້ານວັດທະນະທຳ ໃຫ້ແກ່ນັກຮຽນທຸກຄົນ ເພື່ອເປັນການສົ່ງກໍາລັງໃຈໃຫ້ນັກຮຽນ ມີຄວາມພະຍາຍາມຕັ້ງໃຈຮຽນພາສາຈີນ ໃຫ້ດີ, ເພື່ອມີສ່ວນຮ່ວມໃນການຊຸກຍູ້ການແລກປ່ຽນ ແລະ ການຮຽນຮູ້ເຊິ່ງກັນ ແລະ ກັນ ລະຫວ່າງອາລະຍະທຳລາວ-ຈີນ, ຊຸກຍູ້ການພົວພັນລະຫວ່າງປະຊາຊົນ ແລະ ການເພີ່ມພູນມິດຕະພາບຂອງສອງຊາດລາວ-ຈີນ.
ນັບແຕ່ໄດ້ສ້າງຕັ້ງສູນເປັນຕົ້ນມາ, ສູນໄດ້ຈັດຊຸດອົບຮົມຫ້ອງຮຽນພາສາຈີນ 30 ກວ່າຊຸດ, ມີຜູ້ເຂົ້າຮ່ວມ 800 ກວ່າຄົນ ແລະ ໄດ້ຝຶກອົບຮົມໃຫ້ສັງຄົມລາວຈຳນວນຫລວງຫລາຍກາຍເປັນບຸກຄົນທີ່ມີຄວາມຮູ້ຄວາມສາມາດດ້ານພາສາຈີນ.
ຂ່າວ-ພາບ: ສູນວັດທະນະທຳຈີນ
