ຄາໂລ ອັນເຊລັອດຕິ ຜູ້ຈັດການທີມ ຣິວ ມາດຣິດ ທີມດັງ ລາ ລີກາ ແອັດສະປາຍ ຖືກກ່າວຫາວ່າຫຼີກລ່ຽງພາສີ ມູນຄ່າກວ່າ 400.00 ເອີໂຣ.
ເມື່ອວັນທີ 12 ກໍລະກົດ 2023 ຄາໂລ ອັນເຊລັອດຕິ ຜູ້ຈັດການທີມ ຣີວ ມາດຣິດ ສະໂມສອນຍິ່ງໃຫຍ່ແຫ່ງເວທີ ລາ ລີກາ ແອັດສະປາຍ ເຊິ່ງຄາດວ່າລະດູການໃໝ່ທີ່ຈະມາເຖິງນີ້ ໜ້າຈະເປັນລະດູການສຸດທ້າຍຂອງຜູ້ກ່ຽວ ກ່ອນ ຈະໂຍກຍ້າຍຂຶ້ນໄປເປັນຜູ້ຈັດການທີມຊາດບຣາຊິນ ໃນລະດູຮ້ອນໜ້າ
ຫຼ້າສຸດ ເອລ ມຸນໂດ (El Mundo) ສື່ຂອງແອັດສະປາຍ ຕີແຜ່ຂ່າວວ່າ ຄາໂລ ອັນເຊລັອດຕິ ຖືກກ່າວຫາວ່າບໍ່ໄດ້ແຈ້ງລາຍ ງານລາຍຮັບ 400.000 ເອີໂຣ ໃຫ້ກັບເຈົ້າໜ້າທີ່ພາສີຂອງແອັດສະປາຍກວດສອບ ເຊິ່ງເປັນເງິນທີ່ກ່ຽວຂ້ອງກັບສິດທິໃນ ພາບພົດຂອງເຂົາໃນປີ 2014.
ຢ່າງໃດກໍຕາມ, ອັນເຊລັອດຕິ ບໍ່ແມ່ນຄົນດັງຄົນທໍາອິດໃນວົງການບານເຕະແອັດສະປາຍທີ່ຫຼີກລ່ຽງພາສີ. ນອກຈາກນີ້ ຍັງມີ ຄຣິສເຕຍໂນ ໂຣນັນໂດ (ຣິວ ມາດຣິດ), ລີໂອເນວ ເມສຊີ (ບາເຊໂລນາ) ແລະ ເຄຣາດ ປີເກ (ບາເຊໂລນາ) ເປັນຕົ້ນ
