ອີຣັກ ເປີດເຜີຍປະຊາກອນຈະບັນລຸຫລາຍກວ່າ 43 ລ້ານຄົນ

ສຳນັກຂ່າວຊິນຮວາ ຂອງ ສປຈີນ, ວັນທີ 12 ກໍລະກົດ, ກະຊວງການວາງແຜນ ຂອງອີຣັກ ໄດ້ເປີດເຜີຍວ່າ: ປະຊາກອນອີຣັກ ຈະບັນລຸ ເຖິງ 43,32 ລ້ານຄົນ ໃນປີ 2023, ໃນນັ້ນ ຜູ້ຊາຍ ກວມເອົາ 50,5% ໂດຍ ອັດຕາ ການຈະເລີນ ເຕີບໂຕ ຂອງ ປະຊາກອນ ຕໍ່ປີ ກວມເອົາ 2,5%. ຊຶ່ງ ກຸ່ມຄົນ ໃນໄວເຮັດວຽກ ແຕ່ອາຍຸ 15-64 ປີ ກວມເອົາ ອັດຕາ ສ່ວນຫລາຍ ທີ່ສຸດເຖິງ 57% ຂອງ ປະຊາກອນ ທັງໝົດ, ຖັດມາ ກຸ່ມເຍົາວະຊົນ ອາຍຸ ຕໍ່າກວ່າ 15 ປີ ກວມເອົາ 40%. ກະຊວງກ່ຽວຂ້ອງ ຄາດວ່າ: 70% ຂອງ ປະຊາກອນ ອາໄສ ຢູ່ໃນເຂດເມືອງ ແລະ 30% ໃນພື້ນທີ່ ຊົນນະບົດ. ຊາວອີຣັກ ປະມານ 50% ອາໄສ ຢູ່ໃນແຂວງ ບັກດາດ, ນິເນເວ, ບາສຣາ ແລະ ດີກາຣ. ຕົວເລກ ດັ່ງກ່າວ ແມ່ນມາຈາກ ການຄຳນວນ ຂອງ ອົງການ ສະຖິຕິກາງ ຂອງກະຊວງ ພ້ອມດ້ວຍ ຂໍ້ມູນ ທີ່ໄດ້ຮັບຈາກ ສະຖາບັນທາງການ ຂອງ ປະເທດ ຊຶ່ງ ສອດຄ່ອງ ຕາມມາດຕະຖານ ສະຖິຕິ ລະຫວ່າງ ປະເທດ.