ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານິ້, ສຳນັກງານ ສະຖິຕິ ຂອງ ສ.ເກົາຫລີ ຄາດວ່າ: ຈຳນວນ ປະຊາກອນ ຂອງ ສ.ເກົາຫລີ ຈະຫລຸດລົງ ຈາກ ປັດຈຸບັນ 52 ລ້ານຄົນ ຫລຸດລົງ ເຫລືອ 38 ລ້ານຄົນ ໃນປີ 2070. ເນື່ອງຈາກວ່າ ປະຊາຊົນ ແຕ່ງງານກັນ ຫລຸດໜ້ອຍລົງ ໂດຍ ຈຳນວນ ການແຕ່ງງານ ໃນປີ 2022 ລວມມີ 192.000 ຄູ່, ຫລຸດລົງ ຢ່າງຫລວງຫລາຍ ເມື່ອທຽບໃສ່ ປີ 1970 ທີ່ມີ 295.000 ຄູ່.
ປະຊາຊົນ ມີຄວາມກັງວົນ ກ່ຽວກັບ ການແຕ່ງງານ ແລະ ມີລູກ ດ້ວຍຫລາກຫລາຍ ເຫດຜົນເຊັ່ນ: ຕົ້ນທຶນ ຂອງ ທີ່ຢູ່ ອາໄສ ແລະ ການລ້ຽງລູກ ເພີ່ມສູງຂຶ້ນ ລວມເຖິງ ການວ່າງງານ ຂອງຄົນລຸ້ນໃໝ່. ໂດຍ ກຸ່ມຜູ້ມີອາຍຸ 25-49 ປີ ເປັນຜູ້ຊາຍ ກວມເອົາ 52,9% ແລະ ຜູ້ຍິງ 67,1% ທີ່ແຕ່ງງານປີ 2020 ຊຶ່ງ ຫລຸດລົງ ຈາກປີ 2010 (ຜູ້ຊາຍ 64,7% ແລະ ຜູ້ຍິງ 77,4%). ສ່ວນຈຳນວນ ເດັກນ້ອຍ ເກີດໃໝ່ ໃນປີ 2022 ລວມມີ 249.000 ຄົນ, ຫລຸດລົງ 48,6% ເມື່ອທຽບກັບ ຈຳນວນ 485.000 ຄົນ ໃນໄລຍະ 10 ປີກ່ອນ ແລະ ອື່ນໆ.
