ທ່ານນາງ ມໍຣະກົດ ສີສະຫວັດ ເອກອັກຄະລັດຖະທູດແຫ່ງຣາຊາອານາຈັກໄທປະຈຳ ສປປ ລາວ ເຂົ້າຢ້ຽມຄຳນັບທ່ານ ທອງຈັນ ມະນີໄຊ ລັດຖະມົນຕີກະຊວງພາຍໃນ ວັນທີ 13 ກໍລະກົດ 2023 ທີ່ກະຊວງພາຍໃນ ໃນໂອກາດທີ່ໄດ້ຮັບການແຕ່ງຕັ້ງໃຫ້ມາດຳລົງຕໍາແໜ່ງເປັນເອກອັກຄະລັດຖະທູດ ແຫ່ງ ຣາຊາອານາຈັກໄທປະຈຳ ສປປ ລາວ ຄົນໃໝ່.
ທ່ານ ທອງຈັນ ມະນີໄຊ ໄດ້ສະແດງຄວາມຕ້ອນຮັບ ແລະ ຕີລາຄາສູງຕໍ່ການແຕ່ງຕັ້ງໃຫ້ມາດຳລົງຕໍາແໜ່ງເປັນເອກອັກຄະລັດຖະທູດແຫ່ງຣາຊາອານາຈັກໄທ ປະຈຳ ສປປ ລາວ ຄົນໃໝ່ ເຊິ່ງ ການຢ້ຽມຄນນັບຄັ້ງນີ້ທັງສອງຝ່າຍໄດ້ລາຍງານຫຍໍ້ກ່ຽວກັບສະພາບການຈັດຕັ້ງປະຕິບັດວຽກງານຂອງຕົນ ໃຫ້ກັນຊາບ ພ້ອມທັງປຶກສາຫາລືແນວທາງການພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນໃນຕໍ່ໜ້າ ເພື່ອສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ຣາຊາອານາຈັກໄທທີ່ມີມູນເຊື້ອອັນດີງາມໄດ້ຮັບການເສີມຂະຫຍາຍ ແລະ ມີຜົນສໍາເລັດໃໝ່ທີ່ໃຫ່ຍຫຼວງກວ່າເກົ່າ.
ພ້ອມດຽວກັນນີ້ທ່ານນາງ ມໍຣະກົດ ສີສະຫວັດ ໄດ້ສະແດງຄວາມຂອບໃຈຕໍ່ການຕ້ອນຮັບທີ່ເຕັມໄປດ້ວຍບັນຍາກາດອັນອົບອຸ່ນ ພ້ອມທັງຢືນຢັນວ່າຈະພະຍາຍາມຢ່າງສຸດຄວາມສາມາດຂອງຕົນເພື່ອປະກອບ ສ່ວນເຂົ້າໃນການສືບຕໍ່ເສີມຂະຫຍາຍສາຍພົວພັນມິດຕະພາບທີ່ດີງາມຂອງທັງສອງປະເທດ ໃຫ້ແໜ້ນແຟ້ນ ແລະ ຂະຫຍາຍຕົວຍິ່ງໆຂຶ້ນ.
