ພິທີມອບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈໍາປີ 2022 ຕິດພັນກັບການຍ້ອງຍໍຜົນງານ 5 ປີ ໃນຂະບວນການແຂ່ງຂັນຮັກຊາດ ແລະ ພັດທະນາ ປີ 2016-2020 ຂອງຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ (ຄບຕ) ໄດ້ຈັດຂຶ້ນວັນທີ 13 ກໍລະກົດ 2023 ຢູ່ຫ້ອງການດັ່ງກ່າວ ໂດຍມີສະຫາຍ ພູຂົງ ບັນນະວົງ ຄະນະປະຈໍາພັກ ຮອງເຈົ້າຄອງນະຄອນຫຼວງວຽງຈັນ (ນວ) ມີສະຫາຍ ສົມບູນ ອາຄະວົງສາ ຄະນະພັກຮາກຖານ ຫົວໜ້າຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ມີບັນດາພະນັກງານອາວຸໂສບໍານານ ສະມາຊິກພັກ ພະນັກງານ-ລັດຖະກອນ ແລະ ແຂກຖືກເຊີນເຂົ້າຮ່ວມ.
ໂອກາດນີ້ ສະຫາຍ ສົມບູນ ອາຄະວົງສາ ໄດ້ຂຶ້ນລາຍງານການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈໍາປີ 2022 ແລະ ທິດທາງແຜນການປີ 2023 ໂດຍສະເພາະວຽກງານຄຸ້ມຄອງຄວາມສະອາດໃນຕົວເມືອງ ໄດ້ລົງຕິດຕາມກວດກາຕາມສາຍທາງ ທີ່ຫ້ອງການ ຄບຕ ຮັບຜິດຊອບ ຕາມແຜນປະຈຳເດືອນ ກວມເອົາ 6 ເມືອງ ມີ 2 ເສັ້ນທາງ ຄື:ສີໂຄດຕະບອງ ຈັນທະບູລີ ໄຊເສດຖາ ສີສັດຕະນາກ ແລະ ໄຊທານີ ລົງຕິດຕາມ ກວດກາ ແລະ ກ່າວເຕືອນຜູ້ທີ່ກອງຫີນ-ຊາຍ ຂົນສົ່ງຫີນ-ຊາຍ ເຂົ້າ-ອອກເຂດການກໍ່ສ້າງ ການຂາຍເຄື່ອງ ວາງວັດສະດຸກໍ່ສ້າງໃສ່ທາງຍ່າງ ແລະ ແກ້ໄສການຈອດລົດຊະຊາຍ ຈຳນວນ 70 ກໍລະນີ ໃນນີ້ໄດ້ ເຮັດບົດບັນທຶກກ່າວເຕືອນ ຈຳນວນທັງໝົດ 56 ກໍລະນີ ແກ້ໄຂສຳເລັດ 32 ກໍລະນີ ລົງຕິດຕາມ ກວດຕາ ແລະ ກ່າວເຕືອນລະເມີດໃນການຄຸ້ມປຶ້ຫຍື້ອຊະຊາຍຕາມສາຍທາງ ຈໍານວນ 1 ກໍລະນີ ໄດ້ເຮັດບົດບັນທຶກ ຈຳນວນ 20 ກໍລະນີ ແກ້ໄຂຮ່ວມກັບພາກສ່ວນທີ່ກ່ຽວຂ້ອງ ມີຈຳນວນ 10 ກໍລະນີ ແລະ ໄດ້ປັບໄໝຕໍ່ຜູ້ກະທຳຜິດຖີ້ມຂີ້ເຫຍື້ອຊະຊາຍ ຈຳນວນ 1 ກໍລະນີ ເປັນເງິນ 63 ລ້ານກີບ.
ພ້ອມດຽວກັນນີ້ ກໍໄດ້ຕິດຕາມການຈັດຕັ້ງປະຕິບັດວຽກອານາໄມຮັກສາຄວາມສະອາດ 8 ເສັ້ນທາງ ວຽກບໍລິການຂົນສົ່ງ ແລະ ກຳຈັດຂີ້ເຫຍື້ອ ສໍາເລັດການຄົ້ນຄວ້າຮ່າງຂໍ້ຕົກລົງເຈົ້າຄອງ ນວ ເຊິ່ງການເຂົ້າເຖິງບໍລິການເກັບມ້ຽນຂີ້ເຫຍື້ອ ໄດ້ທັງໝົດ 352 ບ້ານ ກວມເອົາ 73,1% ຂອງຈຳນວນບ້ານທັງໝົດໃນ ນວ 481 ບ້ານ ສ່ວນທິດທາງແຜນການໃນຕໍ່ໜ້າ ສືບຕໍ່ເປັນເຈົ້າການຄົ້າຄວ້າຮໍ່າຮຽນ ເຊື່ອມຊືມ ກໍາແໜ້ນແນວທາງນະໂຍບາຍ ມະຕິຄໍາສັ່ງ ກົດລະບຽບຂອງພັກ ກົດໝາຍ ແລະ ລະບຽບການຕ່າງໆຂອງລັດ ເອົາໃຈໃສ່ສຶກສາອົບຮົມການເມືອງ ໃຫ້ສະມາຊິກພັກພາຍໃນໜ່ວຍພັກ ກໍາແໜ້າແນວທາງນະໂຍບາຍ ມະຕິຄໍາສັ່ງ ກົດລະບຽບຂອງພັກ ກົດໝາຍຂອງລັດ ແລະ ຫັນແນວທາງດັ່ງກ່າວ ເປັນແຜນການລະອຽດຂອງໜ່ວຍພັກ ໃຫ້ສອດຄ່ອງກັບສະພາບຕົວຈິງ.
ໃນພິທີ ຍັງໄດ້ມອບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈໍາປີ 2022 ໃຫ້ແກ່ ຫ້ອງການ ຄບຕ ພ້ອມທັງປະດັບຫຼຽນໄຊແຮງງານ ຊັ້ນ III ໃຫ້ກົມກອງດີເດັ່ນ ປະດັບຫຼຽນໄຊແຮງງານ ຊັ້ນ I ໃຫ້ບຸກຄົນດີເດັ່ນ ຈໍານວນ 2 ທ່ານ ປະດັບຫຼຽນໄຊແຮງງານ ຊັ້ນ II ໃຫ້ບຸກຄົນດີເດັ່ນ ຈໍານວນ 13 ທ່ານ ປະດັບຫຼຽນໄຊແຮງງານ ຊັ້ນ III ໃຫ້ບຸກຄົນດີເດັ່ນ ຈໍານວນ 10 ທ່ານ ມອບຫຼຽນກາແຮງງານ ໃຫ້ບຸກຄົນດີເດັ່ນ ຈໍານວນ 14 ທ່ານ ມອບໃບຍ້ອງຍໍຂັ້ນລັດຖະບານ ໃຫ້ບຸກຄົນດີເດັ່ນ ຈໍານວນ 16 ທ່ານ ແລະ ມອບໃບຍ້ອງຍໍຂັ້ນ ນວ ໃຫ້ບຸກຄົດດີເດັ່ນ ຈໍານວນ 16 ທ່ານ.
