ສປ ຈີນ ຜະລິດນໍ້າມັນດີບ ຫລາຍກວ່າ 15 ລ້ານໂຕນ

ສໍານັກຂ່າວ ຊິນຮວາ ຂອງ ສປ ຈີນ ວັນທີ 9 ກໍລະກົດ, ບໍ່ນໍ້າມັນຕ້າຊິງ (Daqing Oilfield) ເຊິ່ງເປັນບໍ່ນໍ້າມັນເຂດແຄມຝັ່ງຂະໜາດໃຫຍ່ທີ່ສຸດຂອງຈີນ ຂຶ້ນກັບບໍລິສັດປິໂຕຣລ່ຽມແຫ່ງຊາດຈີນ (CNPC) ໄດ້ລາຍງານກ່ຽວກັບປະລິມານການຜະລິດ ນໍ້າມັນດີບ ໃນໄລຍະ 6 ເດືອນ ຂອງປີນີ້ (ເດືອນມັງກອນ ຫາ ເດືອນມິຖຸນາ) ລວມມີ 15.09 ລ້ານໂຕນ. ສ່ວນ ປະລິມານການຜະລິດແກັສທຳມະຊາດ ຂອງບໍ່ນໍ້າມັນຕ້າຊິງ ລວມມີ ປະມານ 2.97 ຕື້ແມັດກ້ອນ, ເພີ່ມຂຶ້ນ 63 ລ້ານແມັດກ້ອນເມື່ອທຽບໃສ່ໄລຍະດຽວກັນຂອງປີກາຍ.