ສຳນັກຂ່າວ ຊິນຮວາ ຂອງ ສປ ຈີນ,ເອສວີໂອເອລທີ(SVOLT)ແມ່ນໜຶ່ງ ໃນຜູ້ຜະລິດ ໝໍ້ໄຟ ແຫ່ງໃຫຍ່ຂອງ ສປ ຈີນ ຈັດພິທີ ວາງສີລາລຶກ ກໍ່ສ້າງ ໂຮງງານ ຜະລິດ ໝໍ້ໄຟ ລົດໄຟຟ້າ ໄລຍະທຳອິດ ໃນອາຊີ ຕາເວັນ ອອກສຽງໃຕ້ ທີ່ແຂວງ ຊົນບູລີ ຂອງໄທ ເມື່ອບໍ່ດົນມານີ້ ໂດຍມີ ເປົ້າໝາຍ ໄປສູ່ຕະຫລາດ ລົດໄຟຟ້າທີ່ພວມເຕີບໂຕ ຢ່າງວ່ອງໄວ ໃນພາກພື້ນແຫ່ງນີ້.ການໄຫລເຂົ້າ ຂອງບໍລິສັດຈີນເປັນຜົນມາຈາກ ຫລາຍນະໂຍບາຍ ສະໜັບ ສະໜູນ ຂອງລັດຖະບານໄທທີ່ໄດ້ວາງເປົ້າໝາຍ ໄວ້ວ່າ 30% ຂອງຍານພາຫະນະ ທັງໝົດ ທີ່ຜະລິດ ຢູ່ໄທ ເປັນລົດ ໄຟຟ້າ ພາຍໃນປີ 2030. ໂດຍໄທ ປະຕິບັດ ມາດຕະການຕ່າງໆ ທີ່ກະຕຸ້ນ ການລົງທຶນ ດ້ານອຸດສາຫະກຳ ລົດໄຟຟ້າ ທັງໝົດເພື່ອຊຸກຍູ້ ການແຂ່ງຂັນ ໃນພາກພື້ນ ອາຊີ ຕາເວັນອອກ ສຽງໃຕ້./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
