ເພື່ອຮັບປະກັນໃຫ້ແກ່ການເຜີຍແຜ່ຂໍ້ມູນຂ່າວສານ ແລະ ປົກປ້ອງຜູ້ບໍລິໂພກຂໍ້ມູນຂ່າວສານຜ່ານສື່ສັງຄົມອອນລາຍ ໃຫ້ໄດ້ຮັບຂໍ້ມູນຂ່າວສານທີ່ຖືກຕ້ອງ, ເປັນຈິງ ແລະ ເປັນປະໂຫຍດຕໍ່ການພັດທະນາເສດຖະກິດ-ສັງຄົມ.
ສະນັ້ນ, ກະຊວງຖະແຫຼງຂ່າວ, ວັດທະນະທຳແລະ ທ່ອງທ່ຽວ ຂໍແຈ້ງມາຍັງທຸກພາກສ່ວນໃນສັງຄົມ ລວມທັງພາກລັດ, ເອກະຊົນ, ບຸກຄົນ, ນິຕິບຸກຄົນ ແລະ ການຈັດຕັ້ງສັງຄົມ ທີ່ມີຈຸດປະສົງສ້າງຕັ້ງໜ້າຂ່າວອອນລາຍ ຫລື ໄດ້ສ້າງໜ້າຂ່າວອອນລາຍແລ້ວ ແຕ່ຍັງບໍ່ໄດ້ຮັບອະນຸຍາດ ຖືກຕ້ອງຕາມລະບຽບກົດໝາຍ ຂອງ ສປປ ລາວ ແມ່ນໃຫ້ຕິດຕໍ່ພົວພັນລົງທະບຽນນຳພາກສ່ວນທີ່ກ່ຽວຂ້ອງ ກົມສື່ມວນຊົນ ຕາມລາຍລະອຽດແຈ້ງການລະບຸມານີ້.
#Medialaos
